පාස්කු ඉරිදා ප්‍රහාරයට හේමසිරිගෙන් හා පූජිතගෙන් ප්‍රකාශ ගනියි

දිවයිනේ ස්ථාන 08ක සිදු වූ පිපිරීම් ආශ‍්‍රිත සිදුවීම් මාලාව සම්බන්ධයෙන් සොයා බැලීම සඳහා පත් කළ විශේෂ පරික්ෂණ මණ්ඩලය අපේ‍්‍රල් 22වන දා සිට එහි වැඩ කටයුතු ආරම්භ කරන ලදී.

පරික්ෂණ මණ්ඩලය ශ්‍රේෂ්ඨාධිකරණ විනිසුරු විජිත්. කේ. මලල්ගොඩ මහතාගේ සභාපතිත්වයෙන් රැස්වන අතර එහි සෙසු සාමාජිකයන් වන්නේ විශ‍්‍රාමික පොලිස්පති එන්.කේ. ඉලංගකෝන් මහතා සහ විශ‍්‍රාමික අමාත්‍යාංශ ලේකම් පද්මසිරි ජයමාන්න මහතායි.

උසස් රාජ්‍ය නිලධාරින් ගණනාවකගෙන් පරික්ෂණ මණ්ඩලය මේ වන විටත් ප‍්‍රකාශ සටහන් කර ගෙන ඇති අතර, ඊට හිටපු ආරක්ෂක ලේකම් හේමසිරි ප‍්‍රනාන්දු මහතා සහ පූජිත ජයසුන්දර මහතා ද ඇතුළත් වෙති.

තවත් පුද්ගලයන් ගණනාවකගෙන් ප‍්‍රකාශ ලබා ගැනීමට නියමිත අතර මේ සම්බන්ධයෙන් අදහස් හා තොරතුරු විශේෂ පරික්ෂණ මණ්ඩලය වෙත දන්වා එවීමට ප‍්‍රසිද්ධ පුවත්පත් ගණනාවක අපේ‍්‍රල් 25 වන දා ප‍්‍රසිද්ධ කළ ප‍්‍රවෘත්ති දැන්වීම මඟින් මහජනයාගෙන් සහ ආයතනවලින් ඉල්ලීමක් ද කර ඇත.

එසේ තොරතුරු දැක්වීමට අකමැති අයවලූන් ලිඛිතව එම තොරතුරු විශේෂ පරික්ෂණ මණ්ඩලයේ ලේකම් වෙත, තැ.පෙ. 2306, කොළඹ 01.  ලිපිනයට හෝ ෆැක්ස් අංක 011-2100446 වෙත හෝ [email protected] යන විද්‍යුත් තැපැල් ලිපියනට යොමුකරන ලෙස එම මණ්ඩලය ඉල්ලා සිටියි.