ප්‍රහාරයට ලක්ව වැටුණ තරුණයා‍ගේ පාදය මතින් බසයක් යයි

සීනිගම වැරැල්ලාන ඉන්ධන තෙල් පිරවුම් පොළ ඉදිරි පිටදි පෙරේදා (29 ) පස්වරුවේ දෙපිරිසක් අතර ඇතිවූ ගැටුමකින් එක් අයෙකු බරපතල තුවාල ලබා රෝහල් ගත කල බවත් ඉන්ධන පිරවුම් පොළටද දැඩි අලාභහානි සිදුව ඇති බවත් මීටියාගොඩ පොලීසිය කියයි.

ඉන්ධන පිරවුම් පොල ඉදිරි පිටින් බස් රථයක නැගී යාමට සිටි අයෙකුට එල්ලවූ මැර ප්‍රහාරයකින් ඔහු බස් රථයකට යටවී බරපතල තුවාල ලබා බලපිටිය රෝහලට ඇතුලත් කළ බවද පොලීසිය කියයි.

එල්ලවු මැර ප්‍රහාරයෙන් බිමට වැටුණු ඔහුගේ එක් පාදයක් උඩින් බස් රථයක් යාම නිසා එම පාදය විනාශවී ඇති බවද පොලීසිය කියයි.

රිය අනතුරක් යයි සිතා එම ස්ථානයට පැමිණි මීටියාගොඩ පොලීසියේ රථ වාහන අංශයේ

පොලිස් සැරයන් ලිවේරා මහතා මේ මැර ප්‍රහාරය එල්ල කල තැනැත්තා වහාම අත් අඩංගුවට ගෙන වැරැල්ලාන ඉන්ධන පිරවුම් හලේ කාමරයක දමා සිටියදි මැර ප්‍රහාරයට ලක්වු තැනැත්තාගේ පිරිස පැමින ඉන්ධන පිරවුම්පොළට එල්ල කළ ප්‍රහාරයකින් එම පිරවුම් පොළටද බරපතල හානි සිදුව ඇතැයිද පොලීසිය  කියයි.