පිරිස් රැස්කර දේව මෙහෙයක් පැවැත්වු දේවගැතිවරයෙකුට එරෙහිව නිරෝධායන පනත අනුව නීතිමය පියවර

මාරවිල නගරයේදී පිරිසක් රැස් කර දේව මෙහෙයක් පැවැත්වු දේව ගැතිවරයකුට එරෙහිව නිරෝධායන පනත අනුව නීතිමය කටයුතු ආරම්භ කරන බව මහවැව මහජන බි.එම් .වජිර නිලන්ත මහතා පවසයි .

අදාල දේව මෙහෙය අද ( 16)  දින දහවල් පවත්වමින් තිබියදී මාරවිල පොලීසිය හා මහවැව මහජන සෞඛ්‍ය පරික්ෂකවරුන් විසින් වැටලිමට කටයුතු කර තිබුනී.

මාරවිල නගරයේ තුන් මහල් ගොඩනැගිල්ලක තුන්වන මහලේ කුඩා දරුවන් සිවු  දෙනෙකු සමග  තවත් 27 දෙනෙකු සහභාගිකරවා ගනිමින් අදාල දේව ගැතිවරයා දේව මෙහෙය පවත්වමින් සිටි බව කියයි.

මෙම දේව මෙහෙයට එක් වි සිටි පිරිස අතර කාන්තාවන් 18 දෙනෙකු පිරිමි පුද්ගලයින් 9 දෙනෙකු සිටි බව කියයි.

මෙම දේව මෙහෙයට සහභාගිවු පිරිස අතරින් කිප දෙනෙකු මුඛ ආවරණ පවා නොමැතිව සිටි බව කියයි.

නිරෝධායන පනත අනුව මෙසේ පිරිස් රැස් කරමින් කිසිදු කටයුත්තක් පැවැත්විම තහනම් කර තිබුයදි මෙම දේව ගැතිවරයා අවස්ථා ගණනාවක මෙලෙස දේව මෙහෙයවල් පවත්වන බව ප්‍රදේශවාසින් පොලීසියට පැමිණිලි කර තිබුනී.

එසේම දේව ගැතිවරයා මෙයට පෙර ශබ්ද වාහිනි යන්ත්‍ර යොදා ගනිමින් දේව මෙහෙයවල් පැවැත්විම සම්බන්ධව මාරවිල අධිකරණයේ නඩුවක් විභාග වෙමින් පවතින බවද පොලීසිය කියයි.

දේව මෙහෙය පැවැත්වු දේව ගැතිවරයාට විරුද්ධව නිරෝධායන පනත අනුව අදාල නීතියම කටයුතු සිදුකරන බව මහවැව මහජන සෞඛ්‍ය පරික්ෂක බි.එම් .වජීර නිලන්ත මහතා පවසයි.