ප්‍රවෘත්ති දෙපාර්තමේන්තු මාධ්‍ය හමුවට එක්වූ මාධ්‍යවේදියෙකුට කොවිඩ් යැයි සැකයක්

රජයේ ප්‍රවෘත්ති දෙපාර්තමේන්තුවේ පසුගිය 13 දා පෙරවරු 9.30ට පැවැති මාධ්‍ය හමුවට එක්වූ මාධ්‍යවේදියෙකුට  කොවිඩ් ආසාදනය වී ඇති බවට සැක කෙරෙ​න බවත් ඒ හා සම්බන්ධව තවදුරටත් පරීක්ෂණ කටයුතු කරන බවත් රජයේ ප්‍රවෘත්ති දෙපාරත්තමේන්තුව පවසයි.

එම මාධ්‍ය හමුවට එක්වූ සියලුම මාධ්‍ය වේදීන්ගේ තොරතුරු රජයේ  ප්‍රවෘත්ති දෙපාර්තමේන්තුව සෞඛය අංශ වෙත දැනුම් දී ඇති බවත් සෞඛ්‍ය උපදෙස හා මගපෙන්වීම් සෞක්‍ය අංශ විසින් එම මාධ්‍ය වේදීන් වෙත කඩිනමින් ලබා දෙන බවත් රජයේ ප්‍රවෘත්ති දෙපාර්තමේන්තුව පවසයි.

ආසාදිත යැයි සැක කෙරේන මාධ්‍ය වේදියාගේ ඉදිරි සෞඛ්‍ය පරීක්ෂණයන්හි ප්‍රතිඵල ලැබෙන තෙක් අදාළ මාධ්‍ය හමුවට එක්වූ සියලු මාධ්‍ය වේදීන් බාහිර සමාජයට විවෘත නොවී ආරක්ෂිතව නිවෙස් වෙත රැදී සිටින ලෙසද රජයේ ප්‍රවෘත්ති දෙපාර්තමේන්තු පවසයි.