පාර්ලිමේන්තු අවසර පත් 6ක් සමඟ කැබ් රථයක සිටි තරුණයෙක් අත්අඩංගුවට

බලන්ගොඩ පොලිස්  බල  ප්‍රදේශයට අයත් කිරිමැටිතැන්න  ප්‍රදේශයේ  සැක කටයුතු   නිවසක්  පරික්ෂා  කිරිමේදි   එහි තිබි පාර්ලිමේන්තුවට ඇතුළු  විමේ  අවසර පත්‍ර හයක්,ජිව උණ්ඩ  දෙකක් ,කැබි රථයක්, පාර්ලිමේන්තු පිවිසුම්  මාර්ගයේ  දළ  සැලැස්මක්,  ජංගම  දුරකතන  ⁣තුනක්, සිමි  කාඩිපත්  දහතුනක්,ටැබ් පරිගණකයක් ,බැංකු කාඩ්පත්  විශාල  ප්‍රමාණයක්  සමඟ මුස්ලිම්  තරුණයකු  ඊයේ   (24) දා පස්වරුවේදි  අත්අඩංගුවට  ගත් බව බලන්ගොඩ   පොලීසිය  පවසයි.

අත්අඩංගුවට  ගත් සැකකරු   අම්පාර  ප්‍රදේශයේ  පදිංචි විසි හත් හැවිරිදි  පුද්ගලයකු  වන අතර බලන්ගොඩ  කිරිමැටිතැන්න  ප්‍රදේශයේ  බිරිඳගේ  නිවසේ   සිටියදි  මෙලෙස අත්අඩංගුවට  ගත් බව පොලීසිය  පවසයි.                                       

බලන්ගොඩ  පොලීසියට  ලද තොරතුරකට  අනුව  මෙම නිවස පරික්ෂා කර මෙම භාණ්ඩ  සමඟ  සැකකරු  අත්අඩංගුවට  ගත් බව පොලීසිය  පවසයි.  

ඔහු   කොල්ලුපිටිය  ප්‍රදේශයේ   අවන්හලක   සේවය කර ඇති බවට පොලීසිය  අණාවරණය  කරගෙන ඇත.

අත්අඩංගුවට  ගත්  කැබ්  රථයේ  පිටුපස  කොටසේ අගල්   හතරක පමණ  ව්‍යාජ  තට්ටුවක්  සකස්  කර ඇති බවද පොලීසිය  පවසයි. 

බලන්ගොඩ  පොලීසියේ  නිලධාරීන්  කණ්ඩායමක්  විසින්  මෙම වැටලිම සිදුකර  ඇති  අතර  සැකකරු  අද  (25) බලන්ගොඩ  මහේස්ත්‍රාත්වරයා හමුවට  ඉදිරිපත්  කිරිමට  නියමිතව  තිබුණි.