පාර්ලිමේන්තුවේ විපක්ෂනායක පුටුව සජිත්ට

එළැඹෙන 03 දා පාර්ලිමේන්තුව රැස්වීමෙන් පසුව පාර්ලිමේන්තු මන්ත්‍රී සජිත් ප්‍රේමදාස මහතා විපක්ෂ නායකවරයා ලෙස කථානායක කරු ජයසූරිය මහතා විසින් ප්‍රකාශයට පත්කිරීමට නියමිතය.

අද පැවැති පක්ෂ නායක රැස්වීමේදී කථානායක කරු ජයසූරිය මහතා මේ බව ප්‍රකා කළ අතර එදින නව මන්ත්‍රීවරයෙක් දිවුරුම්දීමටද නියමිතව තිබේ.

කථානායක ධුරයට  හිමි බලතල ප්‍රකාරව ජනවාරී 03 දින සභාව  ආරම්භයේදී විපක්ෂ නායක අසුන නව  විපක්ෂ නායක සජිත් ප්‍රේමදාස මහතාට වෙන් කිරීමට මේ  වන විට  කථානායකවරයා විසින් තීරණය කර ඇති  බවද පක්ෂ නායක රැස්වීමට දන්වා තිබේ.

එසේම ජනවාරී 03 දිනට  පෙර පාර්ලිමේන්තුවේ සභානායක  ධූරය හා ආණ්ඩුපක්ෂයේ ප්‍රධාන  සංවිධායක  ධූරයද  තමාවෙත  දැනුම් දීමට  කටයුතු කරන   ලෙස  කථානායකවරයා  රජය නියෝජනය කරමින් පක්ෂ නායක  රැස්වීමට  සහභාගී වූ නියෝජිතයන්ට  දැනුම් දී තිබේ.