පුත්තලමේදි මාවා සමඟ සැකකරුවන් 5 දෙනෙකු අත්අඩංගුවට

පුත්තලම කල්අඩිය ප්‍රදේශයේදී අද  (20) දහවල් පුත්තලම මූලස්ථාන පොලිසියේ නිලධාරින් කණ්ඩායමක් සිදුකල වැටලීමකදී හෙරෝයින්, මාවා හා රුපියල් හැට දහසකට ආසන්න මුදලක් සමග සැකකරුවන් පස් දෙනෙකු අත්අඩංගුවට ගත් බව පොලිසිය පවසයි.

එසේ අත්අඩංගුවට ගෙන තිබුණේ පුත්තලම, කල්අඩිය හා මීගමුව ප්‍රදේශයේ පදිංචි සැකකරුවන් පස් දෙනෙකි.

පුත්තලම මූලස්ථාන පොලිසියේ බුද්ධි අංශ නිලධාරින්ට ලද තොරතුරක් මත මෙම වැටලීම සිදුකර තිබුණි.

අදාල වැටලීමේදී රුපියල් හැටපන්දහසකට ආසන්න වටිනාකමකින් යුත් හෙරෝයින් ග්‍රෑම් 4යි මිලිග්‍රෑම් 200ට ආසන්න ප්‍රමාණයක්ද, රුපියල් විසි දාහකට ආසන්න වටිනාකමකින් යුත් මාවා සැකසීමට යොදාගන්නා දුංකොළ පැකට් දෙකක් සහ කෑස්මීර් ටින් එකක්, සහ සැකකරුවන් සන්තකයේ තිබි රුපියල් හැට දෙදහස් පන්සීයක මුදලක්ද හෙරෝයින් ප්‍රවාහනය සදහා යොදා ගැණුන යතුරුපැදියක් ද  මෙලෙස අත්අඩංගුවට ගෙන තිබුණි.