නිරෝධායනය වෙමින් සිටි නාවික සෙබලුන් 5 දෙනෙකුට කොවිඩ්

බුස්ස නිපුන නිරෝධායන මධ්‍යස්ථානයේ නිරෝධායනය වෙමින් සිටි නාවික  සෙබලුන් 05 දෙනෙකුට කොරෝනා වෛරසය ආසාදනය වි ඇති බැව් ගාල්ල දිස්ත්‍රික් ප්‍රාදේශිය වසංගත රෝග විද්‍යාඥ වෛද්‍ය වෙනුර කේ සිංගාරච්චි මහතා පවසයි.

මිට පෙර කොරෝනා වෛරසය ආසාදනය වු නාවික සෙබලාගේ  පළමුපෙළ ආශ්‍රිතයින් 85 දෙනෙකු පි.සි.ආර් පරික්ෂණයට ලක්කළ බවත් අද (05)අලුයම ලැබුණු පි.සි.ආර් පරික්ෂණ වාර්තා අනුව නාවික සෙබලුන් 05 දෙනෙකුට කොරෝනා වෛරසය ආසාදනය වි ඇති බවට තහවුරුවි ඇති බවද  ප්‍රාදේශිය වසංගත රෝග විද්‍යාඥවරයා පවසයි.

මෙකි නාවික සෙබලුන් 05 දෙනාගේ පළමුපෙළ ආශ්‍රිතයින් සොයා දින 14ක කාලයක් නිරෝධායනය කිරිමට කටයුතු කරන බවද ඒ මහතා පවසයි.

ආසාදිත නාවික සෙබලුන් 05 දෙනා හම්බන්තොට රෝහල වෙත පිටත්කර යැවිමට කටයුතු කරඇති බවද ප්‍රාදේශිය වසංගත රෝග විද්‍යාඥවරයා පවසයි.

මිට පෙර කොරෝනා වෛරසය ආසාදනය වු නාවික සෙබල ප්‍රවාහන අංශයට අනුයුක්තව සේවය කරන කොස්ගොඩ ප්‍රදේශයේ පදිංචිකරුවෙකි. මොහු නිවාඩු ලබා නොවැම්බර් මස 19 වැනිදින රාජාකාරියට  වාර්තා කොට ඇත. සේවයට වාර්තා කිරිමට පෙර මෙකි සෙබල දින 14ක් නිරොධායනයට ලක්කොට තිබු අතර   ඉන්පසු ඔහු  පසුගිය 27 වැනිදින සේවයට වාර්තා කොට ඇත.

මොහුට ඇතිවු හිසේ කැක්කුමක් නිසා මෙකි සෙබලා පි.සි ආර් පරික්ෂණයට ලක්කොට ඇති අතර එහිදි ඔහුට කොරෝනා වෛරසය ආසාදනය වි ඇති බවට තහවුරුවි ඇත. ඔහු  මිට පෙර වෛද්‍ය ප්‍රථිකාර සදහා හම්බන්තොට රෝහල වෙත යොමුකරතිබුණි.