නිදන් ගන්න ගිහින් 7දෙනෙක් කොටුවෙයි

මඩොල්සිම පොලිස් බල ප්‍රදේශයට අයත් කුරුවිගොල්ල පෞරාණික දේවාලයක් අසල නිදන් ලබාගැනීමේ අරමුණින් කැනීම් සිදුකල බවට සැක කරන පුද්ගලයින් 7දෙනෙක් (17)දා අලුයම අත්අඩංගුවට ගත් බව මඩොල්සිම පොලීසිය පවසයි.

ගල් විදින යන්ත්‍රයක්, ගල් කඩන කටු දෙකක්, කුළුගෙඩියක්, අලවංගුවක්, සුදුරෙද්දක්, කපුරු හා පූජාවට්ටියක්ද අත්අඩංගුවට ගෙන තිබේ.මෙම සැකකරුවන්  පැමිණ ඇතැයි සැකකරන මෝටර් රථයක්ද අත්අඩංගුවට ගත් බව මඩොල්සිම පොලීසිය පවසයි.

මෙම සැකකරුවන් මාවනැල්ලමහනුවර කටුගස්තොට ආදී ප්‍රදේශවල පදිංචි අවුරුදු 35, 33,32,29,28,26,25 යන වයස්වල පසුවන්නෝ වෙති.

බදුල්ල - පාලිත ආරියවංශ