නීතිවිරෝධී හක්බෙල්ලන් 477 ක් සමග සැකකරුවෙකු අත්අඩංගුවට

මන්නාරම කරිසල්පාඩු ප්‍රදේශයේදී නාවික හමුදාව සහ මන්නාරම, සහකාර ධීවර අධ්‍යක්‍ෂක කාර්යාලය  එක්ව සිදු කළ වැටලීමකදී හක්බෙල්ලන් 477ක් සමග සැකකරුවෙකු අත්අඩංගුවට ගෙන ඇත.

නාවික හමුදා සෙබලුන් හා මන්නාරම, සහකාර ධීවර අධ්‍යක්‍ෂක කාර්යාලය හා එක්ව තලෙයිමන්නාරම, කරිසල්පාඩු  ප්‍රදේශයේදී සිදුකල සෝදිසි මෙහෙයුමකදී බලපත්‍ර රහිතව වෙළඳසැලක් තුළ සඟවා තිබූ හක්බෙල්ලන් 477 ක් සොයා ගෙන ඇති අතර වෙළඳසැලේ හිමිකරුද එහිදී අත්අඩංගුවට ගැනීමට පියවර ගෙන ඇත.

අත්අඩංගුවට පත් සැකකරු වයස අවුරුදු 52 ක් වන මන්නාරම, පේසාලෙයි ප්‍රදේශයේ පදිංචිකරුවෙකු වන අතර හක්බෙල්ලන් තොගයද සමග වැඩිදුර පරීක්ෂණ කටයුතු සඳහා මන්නාරම, සහකාර ධීවර අධ්‍යක්‍ෂක කර්යාලය වෙතට භාර දීමට නාවික හමුදාව පියවර ගෙන ඇත.