දූෂිතයන්ට කඩිනම් දඬුවම් ලබාදෙනවා - ගෝඨා
තම රජයක දූෂණයට ඉඩක් නොමැති බවත් දූෂිතයන්ට උපරිම දඬුවම් දෙන බවත් ශ්‍රී ලංකා පොදුජන පෙරමුණේ ජනපතිධුර අපේක්ෂක ගෝඨාභය රාජපක්ෂ මහතා පැවැසීය.
‘සෞභාග්‍යයේ දැක්ම’ ප්‍රතිපත්ති ප්‍රකාශනය එළිදැක්වීම වෙනුවෙන් පැවැති උත්සවයේදී ඔහු මේ බව පැවැසීය.
ඔහුගේ කථාව කෙටියෙන්..
ලංකාව ඒකීය රටක් බෙදා වෙන් කිරීමට දෙන්නේ නෑ
උසාවිවල ගොඩ ගැසී ඇති නඩු ඉක්මනින් අවසන් කිරීමට අදාළ යටිතල පහසුකම් ලබා දෙනවා.
ජනතාවගේ ජීවන බර හා එදිනෙදා වියදම් අඩු කිරීමට කඩිනම් සහන පැකේජයක් අපි නොබෝ දිනකින් හඳුන්වා දෙනවා.
ජනතා කේන්ද්‍රීය ආර්ථිකය තුළින් සෑම පුද්ගලයෙකුටම ආර්ථික ශක්තියක් ලබාදෙනවා.
දුප්පත්කම සහමුලින්ම නැති කිරීමට කටයුතු කරනවා.
අනාගත පරපුර කාටවත් අතනොපා ජීවත්වන ඵලදායි පුද්ගයන් බවට පත්කරනවා.
වර්තමාන ආර්ථික කේන්ද්‍රය ආසියාවට නැඹුරුවෙමින් පවතිනවා.
දැනුමින් සන්නද්ධ තරුණ පරපුරක් බිහික කළ යුතු වෙනවා.
අධ්‍යාපන ප්‍රතිසංස්කරණ සිදුකරණවා. උසස්පෙළ සමත් සෑම සිසුවෙකුටම සරසවි වරම් ලබාදෙනවා.
හෙද පාඨමාලාව අවුරුදු 4ක් දක්වා දීර්ඝ කරනවා.
ව්‍යාපාරිකයන්ට පහසු පරිසයක් නිර්මාණය කළ යුතුයි. කල් පැනගිය නීති රීති යාවත්කාලීන කරනවා.
රටට ගැලපෙන ලෙස ආදායම් බදු පනත වෙනස් කරනවා. ජනතාවගේ බදු බර අඩු කරනවා.නි ෂ්පාදන බදු, හා ආර්ථික සේවා හා රඳවා ගැනීමේ බදු ඉවත් කරනවා.
වාහන සම්බන්ධයෙන් පනවා ඇති විවිධ බදු වෙනුවට සරල බදු ක්‍රමයක් හඳුන්වා දෙනවා.
උපයනවිට බදු අහෝසි කරනවා. බදු අයකර ගැනීමේ ඇති විශාල විශමතා ඉවත් කරනවා.
සේවා ආර්ථිකයේ විශාල වර්ධනයක් අපි බලාපොරොත්තු වෙනවා.
සංචාරක ව්‍යාපාරය වසරකට ඩොලර් බිලියන 10ක් උපයන සැලැස්මක් බවට පත්කරනවා.
ඉදිරි වසර පහ තුළ රැකියා අවස්ථා ලක්ෂ 10 ක් උත්පාදනය කරනවා.
ලංකාව දකුණු ආසියාවේ ව්‍යාපාරික කේන්ද්‍රස්ථානය බවට පත්කරනවා.
ආහාර සුරක්ෂිතතාව අද ලෝකයේ සෑම රටකටම වැදගත්. ලංකාව තුළ ආහාර සුරක්ෂිතතාව ඇති කිරීමට විදිමත් වැඩ පිළිවෙලක් සකස් කරනවා.
පොහොර සහනාධාරය නොමිලයේම ලබාදෙනවා. කෘෂි කර්මාන්තය තුළ කාබනික පොහොර භාවිතය වැඩි කරනවා.
රට තුළ පොහොර නිශ්පාදනය වැඩි කරනවා. කාබනික පොහොර භාවිතයෙන් කරන කෘෂි නිෂ්පාදන සඳහා ලෝකයේ නමක් ඉහළ කරනවා.
කෘෂි නිශ්පාදන ප්‍රතිඅපනයනය තහනම් කරනවා. ගොවි ණය සම්පූූර්ණයෙන් කපා හැරීමට බලාපොරොත්තු වෙනවා.
ජල හිඟයට පිළියමක් ලෙස වාරිමාර්ග හා වැව් ප්‍රතිසංස්කරණය කරනවා.
වැවිලි කර්මාන්ත සේවකයන්ට රුපියල් 1000ක වැටුප් ලබාදෙනවා.
ධීවර කර්මාන්තය සංවර්ධනය කිරීමට කටයුතු කරනවා.
තරුණ පරපුර කෘෂිකර්මාන්තය ට හා ධීවර කර්මාන්තයට ආකර්ශනය කර ගන්නවා.
පරිසරය සුරැකීම අපේ මූලික අරමුණක්.
හැකිතාක් පුනර්ජනනීය බලශක්ති නිෂ්පාදනය පිළිබඳ වැඩි අවාධානයක් යොමුකරනවා.
කාන්තා දායකත්වය ආර්ථිකයට ඉතාමත් වැදගත්.
කාන්තාවන්ට නිවසේ සිට රැකියා කිරීමේ අවස්ථාව වැඩි කරනවා.
කාන්තා ව්‍යවසායිකාවන්ට අවශ්‍ය ණය පහසුකම් ලබාදෙනවා.
මත්ද්‍රව්‍ය ජාවාරම කෙටි කලක් තුළ අවසන් කිරීමට අපි කටයුතු කරනවා.
අනාගත රජයක් තුළ දේශපාලනික මෙන්ම ආයතනික දූෂණ වැළැක්වීමට ක්‍රමවත් වැඩ පිළිවෙළක් අපි සකස් කරනවා.
දූෂිතයන්ට කඩිනම් දඬුවම් ලබාදෙනවා.
මගේ රජයක දූෂණයට කිසිම විට ඉඩක් නෑ.
සෞභාගයේ දැක්මේ කිසිම ආකාරයක දේශපාලන හිස් පොරොන්දුවක් නෙමෙයි.
වගකීම් ඉතාමත්ම ඉහළින් ඉටුකරන බවට ප්‍රතිඥා දෙනවා.
popular news
-
rocky Friday, 25 October 2019 11:38 AM
ඔබට එරෙහිව තිබෙන චෝදනා වෙනුවෙන් ඔබ ඔබටත් දඬුවම් කර ගන්නවාද?
Reply : 0 0
sirisena Friday, 25 October 2019 11:41 AM
ඔබ තුමාටත් බරපතල දුෂණ චෝදනා හා ඒවා හෙළිදරව් කළවුන් සයසික ලෙස මරා දැමීම පිළිබද චෝදනා තිබෙනවා. ඒවාට ඔබතුමා ගන්න පියවර කවරේද? යන්න පැහැදිලි කල යුතය.
Reply : 0 0
අයියගෙන් ඇහුවේ නැද්ද Friday, 25 October 2019 12:05 PM
බයිලා බොරු පොරොන්දු, 1. දුප්පත් කම සහමුලින්ම නැතිකිරීමට - කාගේද දන්නේ නැහැ. ලෝකේ කිසිම රටක් දුප්පත්කම සහමුලින් නැතිකර නැහැ. දුප්පතුන් සහමුලින් නැතිකලොත් මිසක්. 2. දීවර කර්මාන්තය සංවර්දනයට - අඩුමිලට බුමිතෙල් ඉල්ලන උන්ට වෙඩි තියනවා. තියපු එකට තානාපති කම් දෙනවා. 3. ජල හිඟයට පිළියමක් - පිරිසිදු පානීය ජලය ඉල්ලා සිටින උන්ට එලෝ එලෝ වෙති තියනවා 4. උපයන විට බදු අහෝසි කරනවා - යක්කෝ එතකොට ඔක්කොම බදු වක්‍ර බදු. දුප්පතාගේ මුළු අදයමම වක්‍ර බදු ගෙවලම ඉවරයි. යක්කෝ 100000 පඩි ගන්න එකට 9000 බදු ගෙවන්න බැරිද. මෙලෝ අදහසක් නැහැ, 5. උසාවියේ ගොඩ ගැසී ඇති නඩු ඉකමනින් අවසන් කරමි - තමන්ගේ හා හිතවතුන්ගේ නඩු තාක්ෂණික වැරදි ඇතිකර විසිවීමට සලස්වා. අනිත් නඩු ගැන ගෙවන විදිහට. අයියගෙන් ඇහුවේ නැද්ද
Reply : 0 0
Chathuri Saturday, 26 October 2019 02:38 AM
එහෙමනම් තමන්ගෙන් පටන් අරගෙන පරම්පරාවෙන් ඉවර කරන්න , මහින්දගෙන් ඇහුවේ නැත්ද. .මේ කතාව කියන්න කලින් ,
Reply : 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
