දේශපාලන පළිගැනීම් මත අධ්‍යාපන තනතුරු දෙන්න එපා - ලංකා ගුරු සංගමය

   දේශපාලන පලිගැනීම්වලට ලක්වූවන් යයි සඳහන් කරමින් දේශපාලන හිතවතුන්ට ශී‍්‍ර ලංකා අධ්‍යාපන පරිපාලන සේවයට, ශී‍්‍ර ලංකා විදුහල්පති සේවයට, ශී‍්‍ර ලංකා ගුරු අධ්‍යාපනඥ සේවයට හා ශී‍්‍ර ලංකා ගුරු සේවයට අනීතික ලෙස පත්වීම් 1014 ක් ලබා දීමට යහපාලන රජය කටයුතු කරමින් පැවතුනි. ඊට එරෙහිව අධ්‍යාපන ක්ෂේත‍්‍රයේ සියලූ සේවාවන්ගේ වෘත්තීය සමිති ඒකාබද්ධව විරෝධය පළ කළ අතර, මෙම පත්වීම් ලබාදීම නතර කිරීමට බල කරමින් 2018 ජුලි 26 දින දිවයින පුරා අධ්‍යාපන සේවාවන්වල දීප ව්‍යාප්ත වැඩ වර්ජනයක් කැඳවන ලදී.

 වැඩවර්ජනයට පෙර දින වෘත්තීය සමිති නියෝජිතයන් සමග සාකච්ජා කළ ජනාධිපතිවරයා එම පත්වීම ලබාදීම වහා නතර කර දේශපාලන පලිගැනීම් සිදුව තිබේද යන්න සොයා බැලීම සඳහා හිටපු අධ්‍යාපන ලේකම් ගෝඨාභය ජයරත්න මහතාගේ ප‍්‍රධානත්වයෙන් කමිටුවක් පත් කරන ලදී. එම කමිටු වාර්තාව 2018.12.21 දින ජනාධිපතිවරයාට භාරදුන් බවට පුවත්පත් වාර්තා පළ විය. 

දේශපාලන පලිගැනීම් පත්වීම් නිර්දේශ සම්බන්ධයෙන් වන මෙම කමිටු වාර්තාව වහා ප‍්‍රසිද්ධ කළ යුතුය. පසුගිය දිනවල සිදු වූ දේශපාලන අර්බුදයෙන් පසු නැවතත් එක්සත් ජාතික පක්ෂය විසින් දේශපාලන පලිගැනීම්වලට ලක්වූවන් යයි සඳහන් පිරිසට අධ්‍යාපන ක්ෂේත‍්‍රයේ තනතුරුවලට පත්වීම් ලබාදීමේ උත්සාහයක් පෙරට ගෙන ඇති තත්වයක ඉහත වාර්තාව වහා ප‍්‍රසිද්ධ කර අනීතික ලෙස අධ්‍යාපන පද්ධතිය තුළ පත්වීම් ලබාදීමේ උත්සාහයන් නතර කිරීමට කටයුතු කළ යුතුය. 

අධ්‍යාපන සේවාවන්ට දේශපාලන පලිගැනීම් නිර්දේශ මත පත්වීම් ලබාදීමට එක්සත් ජාතික පක්ෂ රජය විසින් දරණ උත්සාහය දැඩි ලෙස හෙළා දකින ලංකා ගුරු සංගමය ඒ පිළිබඳ දැඩි විරෝධය පළ කර සිටී. තමන්ට බලය අහිමි වන විට ප‍්‍රජාතන්ත‍්‍රවාදය වෙනුවෙන් මොරදුන් එක්සත් ජාතික පක්ෂ රජය බලය තහවුරු කරගත් විගස ප‍්‍රජාතන්ත‍්‍ර විරෝධී ආකාරයෙන් අනීතික ලෙස දේශපාලන උවමනාවන් මත අධ්‍යාපන සේවාවන්ගේ තනතුරුවලට පත්වීම් ලබාදීමේ උත්සාහයට විරෝධය පළ කර සිටින අතර, මෙම පත්වීම් ලබාදීමට කටයුතු කළහොත් ඊට එරෙහිව අධ්‍යාපන ක්ෂේත‍්‍රයේ සියලූ වෘත්තීය සමිති සමග වෘත්තීය කි‍්‍රයාමාර්ගයක නිරත වන බව ද අවධාරණය කර සිටිමු. එම තත්වය වැලැක්වීම සඳහා ගෝඨාභය ජයරත්න මහතාගේ ප‍්‍රධානත්වයෙන් යුත් කමිටුවේ වාර්තාව කඩිනමින් ප‍්‍රසිද්ධියට පත් කරන ලෙස ඉල්ලා සිටිමු.