දවස් 120ට කලුතර 1033ක් කොරෝනාවට බිලි

කළුතර දිස්ත්‍රික්කයේ  ගතවූ මාස හතර තුළ කොරෝනා වෛරසය ආසාධිත වී පුද්ගලයන් 1033 මිය ගොස් ඇතැයි සෞඛ්‍ය අංශ වාර්තා  සඳහන් කරයි.

වැඩිම මරණ සිදු වී ඇත්තේ පානදුර දකුණ පොලිස් වසමෙන් පුද්ගලයන් 124 දෙනකු මෙන්ම කළුතර දකුණ හා කළුතර උතුර පොලිස් වසම් වලින් පිළිවෙලින් පුද්ගලයන්  97 දෙනකු සහ 87 දෙනකු වසයෙන් බව  එම වාර්තා සඳහන් කරයි.

ඉකුත් අප්‍රේල් එක් වෙනි දින සිට මේ දක්වා  කලුතර දිස්ත්‍රික්කයේ කලුතර පොලිස් කොට්ඨාසයට අයත් පොලිස් වසම් 16 න්  පුද්ගලයන්  19609 කුට සහ පානදුර පොලිස් කොට්ඨාසයට අයත් පොලිස් වසම් 13 න් පුද්ගලයන් 14238 කුට කොරෝනා වෛරසය ආසාධිත වි ඇතැයි එම වාර්තා පෙන්වා දෙයි.

රෝහල් සහ අතරමැදි ප්‍රතිකාර මධ්‍යස්ථාන වල මෙන්ම නිවෙස් වල පුද්ගලයන් 13396 කු ප්‍රතිකාර ලබන බවත් පුද්ගලයන් 19418 සුවය  ලබා ඇති බවත් එම වාර්තාවල වැඩිදුරටත් සඳහන් වෙයි.