දරිද්‍රතාවය පිටුදැකීමේ විශාල ජයග්‍රහණයක් සමග චීනයේ චන්ද්‍ර අලුත් අවුරුද්ද සූදානම්

වසන්තයේ ආරම්භය ලෙස සැලකෙන වසරේ පළමු සූර්ය පදය වන 'ලිචුන්' බදාදා සලකුණු කරමින්, දරිද්‍රතාවය පිටුදැකීමේ විශාල ජයග්‍රහණයක් සමග චීනය චන්ද්‍ර අලුත් අවුරුද්ද සැමරීමට සූදානමින් සිටියි.

චීන කොමියුනිස්ට් පක්ෂයේ මධ්‍යම කාරක සභාවේ මහ ලේකම් සහ එරට ජනාධිපති ෂී ජින්පිං බදාදා චීන අලුත් අවුරුද්දට පෙර නිරිතදිග චීනයේ ගුයිෂෝ පළාතේ ක්වාන්සි ප්‍රාන්තයට පැමිණියේය.

පෙබරවාරි 12 චීන චන්ද්‍ර අලුත් අවුරුද්දේ ආරම්භය සනිටුහන් කරන අතර, අලුත් අවුරුද්ද පිළිගැනීම සඳහා රට පුරා විවිධ ජන ක්‍රියාකාරකම් පවත්වනු ලැබේ.

ජනවාර්ගික මියාඕ නගරයක පිහිටි හුවාඕ ගම්මානයේ පොදු චතුරශ්‍රයේ දී, උත්සවයන්ට සූදානම් වන ගම්වැසියන් සමග ජනාධිපති ෂී කතා කළ අතර, රට පුරා සිටින සියලුම ජනවාර්ගික කණ්ඩායම්වල ජනතාවට සිය අලුත් අවුරුදු සුබ පැතුම් එක් කළේය.

චීනයේ විශාලතම දුගී ජනගහනය සහිත පළාත් මට්ටමේ කලාපයක්ව පැවති ගුයිෂෝ, 2012 සිට මිලියන 9කට අධික ජනතාවක් දරිද්‍රතාවයෙන් මුදවා ඇත. මෙම ගම්මානය ජාතියේ දැවැන්ත දරිද්‍රතා සහන ප්‍රයත්නයේ එක් අවස්ථාවක් බව කියයි.  

ගුයිෂෝ හි කාර්ස්ට් කඳුකරයේ ගැඹුරට ඇදී ගිය බිජි, චීනයේ වඩාත්ම දුගී නගරවලින් එකකි. මධ්‍යම රජය සහ අනෙකුත් රාජ්‍ය ආයතනවල පිටුබලය ඇතිව එම භූමිය වගාකළ අතර, නිසරු කඳු පැහැය හරිත පැහැයක් බවට පත් කළේය.

විශේෂඥයන්ගේ මඟ පෙන්වීම යටතේ ගම්වාසීන් කෘෂිකර්මාන්තය, අභිජනන කර්මාන්තය සහ ග්‍රාමීය සංචාරක කර්මාන්තය දියුණු කිරීමට පටන් ගත්හ.

කොවිඩ්-19 මධ්‍යයේ චීනය දරිද්‍රතාවයට එරෙහි සටන ජය ගැනීම සඳහා සිය කාර්යයන් ඉටු කර ඇති අතර, නියමිත කාලයට වඩා වසර 10 කට පෙර එක්සත් ජාතීන්ගේ දරිද්‍රතාවය පිටුදැකීමේ ඉලක්කය සපුරා ඇත. වසර 8ක අඛණ්ඩ වැඩකටයුතු තුළින් චීනය සියලු ග්‍රාමීය දුප්පත් ජනතාව වර්තමාන ප්‍රමිතිය යටතේ දරිද්‍රතාවයෙන් මුදවා ඇත.

දුප්පත්කම තුරන් කිරීමට සැමවිටම මූලික අවධානයක් යොමු කර ඇත්තේ ජනාධිපති ෂී ජින්පිං ය. ජනාධිපතිවරයා නිතර පවසන්නේ, "කිසිදු දුප්පත් ප්‍රදේශයක් හෝ පුද්ගලයෙක් ඉතිරි නොවිය යුතු" බවයි.