තවත් සංවිධාත්මක අපරාධකරුවෙක් අත්අඩංගුවට

සංවිධාත්මක අපරාධ කල්ලි සාමාජිකයෙක් ටී. 56 ගිනි අවියක් සමග අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

පොලිස් විශේෂ කාර්ය බළකායේ බුද්ධි අංශ නිලධාරීන් කණ්ඩායමක් නිකදළුපොත ප්‍ර දේශයේදී මෙම අත්අඩංගුවට ගැනීම සිදුකර තිබේ.

සැකකරු අවුරුදු 52ක් වයසැති පුද්ගලයෙක් වන අතර ඔහු සන්තකයේ තිබී ටී. 56 මැගසිනයක් හා පතරොම් 22ක්ද සොයාගෙන තිබේ. සැකකරු පිළිබඳව වැඩිදුර විමර්ශන කටයුතු සඳහා අපරාධ පරීක්ෂණ දෙපාර්තමේන්තුවට භාරදී තිබේ.

මොහු පෑළියගොඩ ප්‍ර දේශයේ සංවිධාත්මක අපරාධකරුවෙකුගේ කණ්ඩායම් සාමාජිකයෙක් බවද පොලිස් මූලස්ථානය වැඩිදුරටත් පවසයි.