තවත් නීතිවිරෝධි කහ තොගයක් මන්නාරමේදි අල්ලයි

මන්නාරම පාලම අසලදී කහ කැබලි කිලෝ 30ක් සහ කහ කුඩු කිලෝ 60 ක් ප්‍රවාහනය කරමින් සිටි සැකකරුවන් දෙදෙනෙකු අද (27) උදෑසන යුදහමුදාව විසින් අත්අඩංගුවට ගනු ලැබීය.

මන්නාරම තල්ලඩි පාලම අසලදී ලොරි රථයක් යුද හමුදාවේ 54 වන සේනාංකයේ සෙබලුන් පිරිසක් විසින් පරික්ෂා කොට ඇති අතර එහිදි ලොරිය තුල සූක්ෂමව සඟවා තිබූ අදාල කහ තොගය අත්අඩංගුවට ගනු ලැබීය.

අදාල කහ තොගය ඉන්දියාවේ සිට මුහුදු මාර්ගයෙන් මන්නාරමට රැගෙනවිත් නුවර ප්‍රවාහනය කිරීමට සැලසුම් කොට තිබූ බවට සැකකරුවන් පවසා ඇත.

අත්අඩංගුවට පත් සැකකරුවන් මහනුවර හතරලියද්ද ප්‍රදේශයේ පදිංචිකරුවන් වන අතර ඔවුන් මන්නාරම් අධිකරණයට ඉදිරිපත් කිරීම සඳහා වැඩිදුර පරික්ෂණ කටයුතු සිදු කිරීමට මන්නාරම් පොලීසියට භාරදීමට කටයුතු කල බවට යුද හමුදාව වැඩිදුරටත් පැවසීය.