තිරසර සංවර්ධන කමිටු වාර්තාව අගමැතිට පිළිගන්වයි

තිරසර සංවර්ධන අරමුණු පිළිබඳ පංච පුද්ගල කමිටු වාර්තාව එම කමිටු සාමාජිකයින් විසින්  අග්‍රාමාත්‍ය මහින්ද රාජපක්ෂ මහතා වෙත පාර්ලිමේන්තුවේදී පිළිගන්වා තිබේ.

විදේශ කටයුතු අමාත්‍යවරයාගේ උපදෙස් මත පත් කළ මෙම පංච පුද්ගල කමිටුවේ සභාපති ලෙස විදේශ කටයුතු අමාත්‍යංශයේ අතිරේක ලේකම් අහමඩ් ජාවිඩ් මහතා කටයුතු කළේය.

එම කමිටුවේ සෙසු සාමාජිකයින් ලෙස අග්‍රාමාත්‍ය අතිරේක ලේකම් ඇන්ටන් පෙරේරා, අචාර්ය ලොයිඩ් ප්‍රනාන්දු, මහාචාර්ය සී. එස්. වීරරත්න මහත්වරු සහ චාමින්ද්‍රි සපරමාදු මහත්මිය කටයුතු කළහ.

විදේශ කටයුතු අමාත්‍ය දිනේෂ් ගුණවර්ධන මහතාගේ උපදෙස් මත වසර 2030 ගෝලීය තිරසර සංවර්ධන ඉලක්කවලට අදාළ ශ්‍රී ලංකාවේ තිරසර සංවර්ධන අරමුණු සොයා බැලීම පිළිබඳව මෙම පංච පුද්ගල කමිටුව පත් කර තිබිණි.