ත්‍රිරෝද රථ හා පාසල් ළමුන් ප්‍රවාහන ගාස්තුත් අඩුවෙයි

බස්ගාස්තු අඩු කිරීමට සමගාමීව ත්‍රිරෝද රථ ගාස්තු හා පාසල් ළමුන් ප්‍රවාහන ගාස්තු අඩුකිරීමටද අදාළ සංගම් කැමැත්ත ප්‍රකාශ කළ බව ප්‍රවාහන හා සිවිල් ගුවන් සේවා අමාත්‍ය අර්ජුණ රණතුංග මහතා සඳහන් කරයි.

අද (24දා) අමාත්‍යාංශයේ පැවැති සාකච්ඡාවකදී ඔවුන් මෙම ඒකඟතාවට පැමිණ තිබේ. අනුව  සමස්ත ලංකා ත්‍රීරෝද රථ රියදුරන්ගේ හා හිමිකරුවන්ගේ සංගමයේ නියෝජිතයින් අමාත්‍යවරයාට ප්‍රකාශ කර ඇත්තේ මගී ප්‍රවාහනයේදී මුල් කිලෝමීටරයට අය කරන රුපියල් 60ක ගාස්තුව රුපියල් 50 දක්වා රුපියල් 10කින් අඩු කරන බවයි.

ඒසේම සමස්ත ලංකා පාසල් ළමුන් ප්‍රවාහන සංගමයද පාසල් ළමුන් ප්‍රවාහනයේදී අය කරන ගාස්තුව සියයට 3කින් අඩු කරන බවද ප්‍රකාශ කළේය. මෙම ගාස්තු අඩු කිරීම්ද 26වැනිදා මධ්‍ය රාත්‍රියේ සිට ක්‍රියාත්මක බව අමාත්‍යාංශය සඳහන් කරයි.