ත්‍රිරෝද අවු. 35ක සීමාව කැබිනට්ටුව ඉවත දමයි

ත්‍රිරෝද රථ රියදුරන් සඳහා වයස අවුරුදු 35ක සීමාවක් පැනවීමේ යෝජනාව කැබිනට් මණ්ඩලය විසින් ප්‍රතික්ෂේප කර ඇති අතර, මෙරටට ත්‍රිරෝද රථ ආනයනය කිරීම සීමා කිරීමට කැබිනට් මණ්ඩලයේ අවධානය යොමුව තිබේ.

ත්‍රිරෝද රථ රියදුරන් සඳහා වයස් සීමාවක් පැනවීම  මූලික අයිතිවාසිකම් උල්ලංඝනය කිරීමක් බවට මෙහිදී ඇතැම් අමාත්‍යවරුන් කැබිනට් මණ්ඩලයේදී අදහස් දක්වා ඇත.

එසේ වුවද ත්‍රිරෝද රථ හේතුවෙන් වර්තමානයේ මතුව ඇති රථවාහන තදබදය හා සමාජ තත්ත්වයන් කැබිනට් මණ්ඩලයේ සියලුම අමාත්‍යවරුන් විසින් පිළිගෙන ඇති අතර, එසේ වුවද ඒ සඳහා වයස් සීමාවක් පැනවීමට බොහෝ අමාත්‍යවරුන් අකමැති වී තිබේ.

ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ඊයේ(21දා) කැබිනට් මණ්ඩලය රැස් වූ අතර, එහිදී මෙම තීරණය ගෙන තිබේ.