ඩෙල්ටා රෝහල්ගත වීමේ අවදානම දෙගුණ කරනවාලු

කොරෝනා වෛරසයේ ඩෙල්ටා ප්‍රභේදයෙන් ආසාදනය වූ පුද්ගලයින්ට වෛරසයේ පෙර ප්‍රභේදයන්ට සාපේක්ෂව රෝහල්ගත වීමේ අවදානම දෙගුණයක් ඇති බව එංගලන්තයේදී ප්‍රකාශයට පත්කළ විශාල අධ්‍යයනයකට අනුව ලැන්සෙට් සඟරාව පවසයි.

එය පසුගිය ජුනි මාසයේදී ප්‍රකාශයට පත්කරන ලද ස්කොට්ලන්තයේ පර්යේෂණ ඇතුළුව, ඉතා බෝවන ප්‍රභේදයක් රෝහල්ගත වීමේ වැඩි අවදානමක් ඇති කළ හැකි බවට යෝජනා කළ පූර්ව පර්යේෂණ අධ්‍යයනයෙන්ද තහවුරු කර තිබේ.

එක්සත් ජනපදයේ රෝග පාලන හා වැළැක්වීමේ මධ්‍යස්ථානය ජුනි මාසයේදී ඩෙල්ටාව වඩාත් සැලකිලිමත් වීමේ ප්‍රභේදයක් ලෙස වර්ගීකරණය කළේය.

නව අධ්‍යයනය තුළින් ඩෙල්ටා ප්‍රභේදය සැබවින්ම විශාල තර්ජනයක් වන බවට තවත් සාක්ෂි එකතු කර තිබේ. එංගලන්තයේ මහජන සෞඛ්‍ය ආයතනයේ පර්යේෂකයන් මාර්තු අග සිට මැයි මස අවසානය දක්වා වෛරසය ආසාදිත රෝගීන් 43,000කට වැඩි සංඛ්‍යාවකට අනුපිළිවෙල සකස් කළහ. එම අවස්ථාව වනවිට ඩෙල්ටා ප්‍රභේදය බ්‍රිතාන්‍යය තුළ ස්ථාවර වීමට පටන් ගෙන තිබූ නමුත්, තවමත් ප්‍රමුඛ ප්‍රභේදය වී නොතිබුණි.

එවකට අධ්‍යයනයේ නියුතු පුද්ගලයින්ගෙන් බහුතරයක් (80%ක්) ඇල්ෆා ප්‍රභේදය ආසාදනය වී ඇති අතර එය 2020 අවසානයේ එංගලන්තය ව්‍යාප්ත වූ ප්‍රභේදයයි. 20%ක් පමණක් ඩෙල්ටා ප්‍රභේද ආසාදන තහවුරු කර තිබේ. මිනිසුන්ගෙන් 2%කටත් වඩා අඩු ප්‍රමාණයක් සම්පූර්ණයෙන්ම එන්නත් කර තිබූ අතර, 75%කට ආසන්න ප්‍රමාණයක් එන්නත් නොකළ අයයි. ඉතිරි පිරිස එක් මාත්‍රාවක් පමණක් ලබාගෙන තිබුණි.

වයස සහ මූලික කොන්දේසි වැනි අවදානම් සාධක සකස් කිරීමෙන් පසුව දත්තවලින් පෙනී ගියේ ඩෙල්ටා ප්‍රභේදයෙන් ආසාදිතයන් බවට පත්වන එක් එන්නත් මාත්‍රාවක් ලබාගත් හෝ එන්නත් නොකළ පුද්ගලයන් කලින් පැවති ප්‍රභේදයන්ට සාපේක්ෂව රෝහල්ගත වීමට ඇති ඉඩකඩ දෙගුණ වී ඇති බවයි. එමෙන්ම ඔවුන්ට හදිසි වෛද්‍ය ප්‍රතිකාර අවශ්‍ය වීම 1.5 ගුණයක් වැඩි බවද අධ්‍යයනය කියයි.

රෝහලේගත වූවන්ගෙන් අතිමහත් බහුතරයක් එන්නත් නොකළ අය නමුත්, අධ්‍යයනයෙන් සොයාගෙන ඇත්තේ ඩෙල්ටා වෛරසය ආසාදිතව රෝහල්ගත වීමේ අවදානම සම්පූර්ණයෙන්ම එන්නත් කළ අය අතර පවා තරමක් වැඩි බවයි. නමුත් මෙය තවමත් දුර්ලභ සිදුවීමක් බවද අධ්‍යයනය පෙන්වා දෙයි.

"අපගේ විශ්ලේෂණයෙන් අවධාරණය කෙරෙන්නේ එන්නතක් ලබාදී නොමැති අවස්ථාවක ඕනෑම ඩෙල්ටා වසංගතයක් ඇල්ෆා වසංගතයකට වඩා සෞඛ්‍ය ආරක්ෂාවට විශාල බරක් පැටවෙන බවයි" අධ්‍යයනයේ ප්‍රධානියා ලෙස කටයුතු කළ කේම්බ්‍රිජ් විශ්ව විද්‍යාලයේ ජෛව විද්‍යාඥයෙකු වන ඈන් ප්‍රෙසානිස් පැවසීය.

ජෝන්ස් හොප්කින්ස් බ්ලූම්බර්ග් මහජන සෞඛ්‍ය පාසලේ වසංගත රෝග විද්‍යාඥ ඇම්බර් ඩී සූසා පැවසුවේ ඩෙල්ටා ප්‍රභේදය වෛරසයේ පෙර ප්‍රභේදයන්ට වඩා බෝවන බව පර්යේෂකයන් මාස ගණනාවක් තිස්සේ අවබෝධ කරගෙන තිබූ නමුත් එය මිනිසුන් රෝගී කරයිද යන්න මෙතෙක් පැහැදිලි කරගෙන නොතිබූ බවයි.

ඩෙල්ටා වෛරසය වඩාත් බෝවන රෝගයක් පමණක් නොව, නරකම ප්‍රතිඵලයක් සඳහාද හේතු විය හැකි බව මෙම පර්යේෂණ ක්‍රමානුකූලව සම්බන්ධ කළ දත්ත සමග පැහැදිලි වන්නේ යැයි වසංගත රෝග විද්‍යාඥ ඇම්බර් ඩී සූසා පැවසීය.