ට්‍රම්ප් රෝහල්ගත කරන විට ධවල මන්දිර දසුන්

එක්සත් ජනපද ජනාධිපතිවරයා රෝහල්ගත කරන අවස්ථාව වනවිට ධවල මන්දිරයේ දසුන් තරමක් වෙනස්ම ස්වරූපයක් ගත් බව විදෙස් වාර්තා පවසයි.

සාමාන්‍යයෙන් මුඛ ආවරණ නොමැතිව ට්‍රම්ප් වටා සිටින ඔහුගේ සමීපතමයන් මුඛ ආවරණවලින් සැරසී සිටින ආකාරය දැකිය හැකි විය.

නිතර ඔවුන් තුළ දකින විනෝදකාමී ස්වරූපය වෙනුවට, තැතිගත් ස්වරූපයක් සියලු දෙනාගේ මුහුණුවල පැවති බව විදෙස් වාර්තා පවසයි.

ට්‍රම්ප් මැරීන් වන් හෙලිකොප්ටරයේ නැගී වෝල්ටර් රීඩ් වෙත පැමිණි අතර, වෙනදාට ඔහුට ආචාර කරන ආරක්ෂක අංශද බොහෝ දුරින් සිටින ආකාරය දැකිය හැකි විය.

මේ අතර එක්සත් ජනපද බෝවන රෝග විශේෂඥයන් පෙන්වා දෙන්නේ ට්‍රම්ප්ට සමීපව සිටි ධවල මන්දිරයේ සියලු දෙනා වහාම කොවිඩ්-19 පරීක්ෂණයන්ට මුහුණ දී නිරෝධායනයට යොමුවිය යුතු බවයි.