ට්‍රම්ප් ධුරයෙන් ඉවත් කිරීමට කථානයක අවි සූදානම් කරයි
උප ජනාධිපති මයික් පෙන්ස් ඔහුව ඉවත් නොකළහොත්, ජනාධිපති ඩොනල්ඩ් ට්‍රම්ප්ට දෝෂාභියෝගයක් ගෙන ඒමට පාර්ලිමේන්තුව පියවර ගන්නා බව කථානායිකා නැන්සි පෙලෝසි පවසයි.
25 වැනි ව්‍යවස්ථා සංශෝධනය කැඳවා ට්‍රම්ප් ධුරයෙන් ඉවත් කරන ලෙස පෙන්ස් සහ ට්‍රම්ප්ගේ කැබිනට් මණ්ඩලයෙන් ඉල්ලා සිටිමින් සඳුදා උදෑසන ඒකමතික එකඟතාවයකින් යෝජනාවක් සම්මත කිරීමට සභාව උත්සාහ කරන බව පෙලෝසි පැවසීය.
යෝජනාව ඒකමතික එකඟතාවයකින් සම්මත නොවන්නේ නම් හෝ එය නිසැකවම රිපබ්ලිකන් ප්‍රතිරෝධය ලබා නොදුනහොත්, එවිට අඟහරුවාදා සම්පූර්ණ ඡන්ද විමසීමක් සඳහා පියවර ගනු ඇති බවද කියයි.
මෙම යෝජනාව පැය 24ක් ඇතුළත ප්‍රතිචාර දක්වන ලෙස උප ජනාධිපති පෙන්ස්ගෙන් ඉල්ලා සිටින අතර, එසේ නොවුවහොත් ජනාධිපතිවරයාට දෝෂාභියෝගයක් ඉදිරිපත් කිරීමට සභාව කටයුතු කරනු ඇත.
මීට අමතරව ඩිමොක්‍රටික් දේශපාලඥයන් වෙත ලිපියක් යවමින් පෙලෝසි සඳහන් කර ඇත්තේ, "දෝෂාභියෝග නීති සම්පාදනය කිරීම සඳහා අපි ඉදිරියට යනවා. අපේ ආණ්ඩුක‍්‍රම ව්‍යවස්ථාව සහ අපේ ප‍්‍රජාතන්ත‍්‍රවාදය ආරක්ෂා කිරීමේදී අපි ක්ෂණිකව කටයුතු කළ යුතුයි. මන්දයත් මේ ජනාධිපතිවරයා ඒ දෙකටම ආසන්න තර්ජනයක් එල්ල කර තිබෙනවා. දින ගෙවී යත්ම, මේ ජනාධිපතිවරයා විසින් සිදුකරන ලද අපගේ ප‍්‍රජාතන්ත‍්‍රවාදයට එල්ල කරන ප‍්‍රහාරයේ භීෂණය තීව්‍ර වන අතර, ක්ෂණික ක්‍රියාමාර්ගයක් අවශ්‍යයි" යනුවෙනි.
පසුගිය බදාදා එක්සත් ජනපදයේ කැපිටල් ගොඩනැගිල්ලට ට්‍රම්ප්ගේ ආධාරකරුවන් විසින් එල්ල කරන ලද ප්‍රහාරය සමග මෙම තත්ත්වය උද්ගත වූ අතර, එහිදී තත්ත්වය පාලනය කිරීමට වඩා තත්ත්වය අවුලුවාලීමට ට්‍රම්ප් උත්සාහ ගත් බවට චෝදනා නැගුණි. කෙසේ වෙතත් මේ සියලු සිදුවීම්වලින් පසුව ට්‍රම්ප් මේ වනවිට බල හුවමාරුව සඳහා තමන් සූදානම් බව නිල වශයෙන් ප්‍රකාශ කර ඇත.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
