ජලභීතිකා රෝගය ඉහළ යෑමේ අවදානමක්

සුනඛයන් සපා කෑමට ලක්වන පුද්ගලයන්ගේ ජීවිත ආරක්ෂා කර ගැනීමට ලබාදෙන එන්නත බොහෝ රෝහල් තුළ නොමැති බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය සඳහන් කරයි.

මීට අමතරව ජලභීතිකා රෝගී තත්ත්වය ඉහළ යමින් තිබෙන බවත්, මේ වසරේ ගෙවීගිය කාලය තුළදී සුනඛයන් සපා කෑම නිසා පුද්ගලයන් තිදෙනෙකු මියගොස් තිබෙන බවත් එම සංගමයේ සභාපති උපුල් රෝහණ මහතා අද (26දා) පැවැති මාධ්‍ය සාකච්ඡාවකදී සඳහන් කළේය.

ජලභීතිකා මර්දන වැඩපිළිවෙළ නිසි ලෙස සිදු නොවීම නිසා සුනඛයන් සපාකෑමට ලක්වන පුද්ගලයන්ගෙන් 99%කටම ජීවිත ආරක්ෂා කර ගැනීමේ එන්නත ලබාදීමට සිදුව තිබෙන බවත්, මේ නිසා එන්නත් හිඟයක් ඇතිවී තිබෙන බවත් ඔහු පවසා සිටියේය.