ජාතික මත්ද්‍රව්‍ය නිවාරණ සතියේ පස්වන දිනය අදයි
ජූනි 26 වනදාට යෙදුණු මත්ද්‍රව්‍ය භාවිතය හා නීති විරෝධි ප‍්‍රවාහනයට එරෙහි ජාත්‍යන්තර දිනයට සමගාමීව ජනාධිපතිතුමාගේ මගපෙන්වීමෙන් දීප ව්‍යාප්තව කි‍්‍රයාවට නැංවූ ජාතික මත්ද්‍රව්‍ය නිවාරණ සතියේ පස් වන දිනය අදයි.
මත්ද්‍රව්‍යවලට ඇබ්බැහිවූවන් පුනරුත්ථාපනය පිළිබඳ ප‍්‍රමුඛ අවධානය යොමු කරමින් දැනුවත් කිරීමේ වැඩසටහන් ඇතුළු වැඩසටහන් රැසක් අද දිනය පුරා සාර්ථකව දීප ව්‍යාප්තව කි‍්‍රයාවට නැංවිණි.
පොල්ගහවෙල පොලිස් කොට්ඨාසය තුළ මතට ඇබ්බැහිවූවන් එයින් මුදවා ගැනීම සඳහා ජනතාව දැනුවත් කිරිමේ වැඩසටහනක් අද පෙරවරුවේ පොල්ගහවෙල නගර ශාලාවේ දී පැවැත්වුණු අතර, වයඹ පළාත් සභාවේ මත්ද්‍රව්‍ය නිවාරණ ඒකකය, පොල්ගහවෙල පොලිසිය හා ප‍්‍රාදේශීය සභාව එක්ව එය සංවිධානය කර තිබිණි.
අන්තරාය ඖෂධ හා මත්ද්‍රව්‍ය භාවිතයට ඇබ්බැහිවූවන් එයින් මුදා ගැනීමට අවශ්‍ය උපදෙස් හා මගපෙන්වීම හා ප‍්‍රතිකාර සම්බන්ධයෙන් පැමිණ සිටි තරුණ තරුණියන් හා වැඩිහිටි පිරිස් දැනුවත් කිරීම ස`දහා මත්ද්‍රව්‍ය නිවාරණ අංශයේ මනෝවිද්‍යා හා තාක්ෂණ අංශයේ නිලධාරින්ගේ සහභාගිත්වයෙන් මෙහිදී විශේෂ දේශන පැවැත්විණි.
මෙහිදී අදහස් දැක්වූ තරුණ තරුණියන් ස`දහන් කළේ ජනාධිපතිතුමා රටේ ප‍්‍රධාන පුරවැසියා ලෙස නිතරම සමාජයට උපදෙස් ලබා දෙමින් මෙම මත්ද්‍රව්‍ය විරෝධි වැඩසටහන සඳහා ලබාදෙන පුළුල් දායකත්වය පිළිබඳ ස්තුතිවන්ත වන බවයි. මෙම පුළුල් දැනුවත් කිරීමේ වැඩසටහන් හේතුවෙන් තරුණයින් ලෙස නොදැනුවත්ව කළ වැරදි හඳුනා ගැනිමට අද තමන්ට හැකියාව ලැබුණු බවත් මෙවැනි වැඩසටහන් අඛණ්ඩව කි‍්‍රයාත්මක වන්නේ නම් තරුණ සමාජය යහමගට ගැනීමට හැකිවන බවත් ඔවුන් ප‍්‍රකාශ කළහ.
වයඹ පළාත් නියෝජ්‍ය ප‍්‍රධාන ලේකම් පී.බී. වික‍්‍රමසිංහ මහතා ඇතුළු පළාතේ රාජ්‍ය නිලධාරින්, ජ්‍යෙෂ්ඨ පොලිස් නිලධාරින් ඇතුළු පිරිසක් මෙම අවස්ථාවට එක්ව සිටියහ.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
