ජංගම දුරකථනයෙන් නිධන් හරා 06ක් පොලීසියට කොටු

- 13 02 2019 - 20:45 - {{hitsCtrl.values.hits}} views - ..

ගාල්ල ප‍්‍රදේශයේ සිට කපුවෙකු ජංගම දුරකථනයක් උපයෝගි කර ගනිමින් පොළොන්නරුව අරලගංවිල බදනාගල ප‍්‍රදේශයේ පිරිසක් සමඟ බදනාගල රක්ෂිතයක නිධන් ගැනිමට උත්සාහ කිරිමේදි හය දෙනෙකු පුජා භාණ්ඩ සමඟ ඊයේ (12) දින පස්වරු අටට පමණ අත්අඩංගුවට ගත් බව දිසා විශේෂ මත්ද්‍රව්‍යය වැටලිම් ඒකකය කියයි.

මෙසේ අත්අඩංගුවට පත්ව ඇත්තේ අරලගංවිල සහ ඉහළ ඇල්ලේවැව ප‍්‍රදේශයේ පදිංචි කරුවන්ය.

දිසා විශේෂ මත්ද්‍රව්‍ය වැටලිම් ඒකකය පවසා සිටින්නේ මෙම ස්ථානයට ළගා වෙන අවස්ථාවේදි මෙම පිරිස කැනිම් කරමින් සිටි ඇති අතර ගාල්ල ප‍්‍රදේශයේ සිට ජංගම දුරකථනයකින් ඉමෝ තාක්ෂණය භාවිතා කරමින් නිධානය ඇති ස්ථානය නරඹමින් නිධානය හාරණ පිරිසට උපදෙස් ලබා දෙමින් සිටිය දි පොලීසිය එම ස්ථානයට ගොස් පිරිස අත්අඩංගුවට ගත් බවයි.