චීනය COVAX වෙත ඇතුළුවීම රටවල් රැසකට ප්‍රතිලාභයක්ලු

ලෝක සෞඛ්‍ය සංවිධානය පැවසුවේ නව කොවිඩ්-19 රෝගීන්ගේ සංඛ්‍යාව අඛණ්ඩව ඉහළ යමින්, මෑතකාලීන  ඉන්දියාවේ ආසාදන වැඩිවීම මධ්‍යයේ මරණ සංඛ්‍යාවද අඛණ්ඩව ඉහළ යමින් පවතින බවය.

මෙම පසුබිම යටතේ බටහිර රටවල් විසින් එන්නත් තොග ගබඩා කර ඇති අතර, සමහර අඩු ආදායම්ලාභී රටවලට කිසිදු එන්නතක් නොලැබීම නිසා ලොව පුරා අසමතුලිතව එන්නත් බෙදා හැරීම ගෝලීය සටන උග්‍ර කර තිබේ.

එන්නත් බෙදා හැරීමේ අසමතුලිතතාවට මුහුණ දෙමින් ලෝක සෞඛ්‍ය සංවිධානයේ අධ්‍යක්ෂ ජනරාල් ටෙඩ්‍රොස් අද්නාම් ගෙබ්‍රෙයෙසස් පැවසුවේ ගෝලීය එන්නත බෙදාගැනීමේ මුලපිරීම වන COVAX තවමත් අඩු ආදායම්ලාභී රටවලට වසංගතය පාලනය කිරීමට ඇති හොඳම අවස්ථාව බවයි.

කෙසේ වෙතත්, ඉන්දියාවේ නරක අතට හැරෙන වසංගතය තත්ත්වය COVAX හි එන්නත් සැපයීමට තර්ජනයක් වී ඇත්තේ, ඉන්දියාව තම පුරවැසියන්ගේ ඉල්ලුමට ප්‍රමුඛතාව දීම එන්නත් නිපදවීම කෙරෙහි අවධානය යොමු කර ඇති හෙයිනි.

"ඉන්දියාවෙන් සැපයීම සම්බන්ධයෙන් අපට ගැටළු තිබෙනවා. විවිධ එන්නත් නිෂ්පාදකයන් සමගත් ඖෂධ ද්‍රව්‍ය නොමැතිකම පිළිබඳව අපට ගැටළු තිබෙනවා" යැයි ලෝක සෞඛ්‍ය සංවිධානයේ සහකාර අධ්‍යක්ෂ ජනරාල් මාරියන්ගෙලා සිමාවෝ සිකුරාදා ලෝක සෞඛ්‍ය සංවිධානයේ නිත්‍ය මාධ්‍ය සාකච්ඡාවේදී පැවසීය.

කෙසේ වෙතත්, එන්නත් හිඟය ළඟදීම අවසන් විය හැකි බවට ඉඟි පළ කරමින්, ගෝලීය සෞඛ්‍ය සංවිධානය චීනයේ සීනොෆාම් සහ සීනොවැක් වෙතින් ඔවුන්ගේ කොවිඩ්-19 මර්දන එන්නත් සඳහා වන හදිසි භාවිත ලැයිස්තුගත කිරීමේ ඉල්ලීම් පිළිබඳ තීන්දු මෙම සතිය අවසන් වනවිට ප්‍රකාශයට පත්වනු ඇත.

මෙය ගෝලීය එන්නත් සැපයුමේදී චීන එන්නත්වල කාර්යභාරයට සැලකිය යුතු බලපෑමක් ඇති කළ හැකි බව නිව්යෝක්හි විදේශ සබඳතා කවුන්සිලයේ ගෝලීය සෞඛ්‍යය පිළිබඳ ජ්‍යෙෂ්ඨ සාමාජිකයෙකු වන හුවාං යන්ෂොං දකුණු චීන මෝනිං පෝස්ට් පුවත්පතට ප්‍රකාශ කළේය.

චීන එන්නත්, විශේෂයෙන් සීනොවැක් එන්නත, ඒවා ලබාගත් රටවලින් දැනටමත් ප්‍රශංසා ලබා ඇත. අප්‍රේල් මැද භාගයේදී, චිලී සහ තුර්කිය ඇතුළු සමහර රටවල අධ්‍යයන මගින් සීනොවැක් එන්නත වෛරසයට එරෙහිව ඵලදායී එන්නතක් බව කියා සිටියේය. අප්‍රේල් මස මුලදී සීනොෆාම් එන්නතකට හංගේරියානු බලධාරීන් විසින් නිකුත් කරන ලද පළමු වැනි ඉහළ ගුණාත්මක සහතිකය ලැබුණි.

මෑත මාසවලදී, ආසියාව, අප්‍රිකාව, යුරෝපය, ඕෂනියා, ලතින් ඇමෙරිකාව සහ කැරිබියන් යන රටවලට අවම වශයෙන් එක් චීන එන්නතක් හෝ නැව්ගත කර ඇත. පසුගිය සිකුරාදා බොස්නියාව සහ හර්සගොවිනියා සිය පළමු චීන එන්නත් ලබාගත් නවතම යුරෝපීය රට බවට පත්විය.

"පරණ චීන කියමනකින් පවසන්නේ කරදර කාලවලදී මිතුරෙකු සැබෑ මිතුරෙකු බවයි. වසංගතයේ ආරම්භයේ සිටම චීනය සිය සැබෑ මිත්‍රත්වය පෙන්නුම් කර තිබෙනවා" යැයි හර්සගොවිනියා සිවිල් කටයුතු අමාත්‍ය ඇන්කිකා ගුඩෙල්ජෙවික් පැවසීය.

කාම්බෝජය සහ ලාඕසය යන දෙපාර්ශ්වයම මේ සතියේ සීනොෆාම් එන්නත ලබා ගත් අතර මොන්ටිනිග්‍රෝ සහ ආර්ජන්ටිනාව චීන එන්නත් ලබාගන්නා ලදී.

හදිසි භාවිතය සඳහා ඊජිප්තුව විසින් සීනොවැක් එන්නත අප්‍රේල් 26දා අනුමත කළ අතර, බංග්ලාදේශය විසින් සීනොෆාම් එන්නත අප්‍රේල් 29දා අනුමත කරන ලදී. එමෙන්ම මේ වනවිට ශ්‍රී ලංකාවටද සීනොෆාම් එන්නත ලැබී ඇති අතර, එය දැනටමත් එරට සිටින චීන ජාතිකයන් වෙත ලබාදී තිබේ.