චීනය අරාබි ලීගය වෙතත් කොවිඩ් එන්නත් ලබාදෙයි

චීනය විසින් අරාබි ලීගය වෙතත් සීනොෆාම් කොවිඩ්-19 එන්නත ලබාදුන් බව ඊජිප්තුවේ චීන තානාපති කාර්යාලයේ මහලේකම් කාර්යාලය ඊයේ (04දා) නිවේදනයක් නිකුත් කරමින් කියයි.

"මෙය චීන-අරාබි ප්‍රජාවගේ සෞඛ්‍යය හා යහ පැවැත්ම පිළිබඳ විචිත්‍රවත් අර්ථකථනයක් වන අතර, එය දෙපාර්ශ්වයටම සුබවාදී අනාගතයක් සහිත චීන-අරාබි ප්‍රජාවක් ගොඩනැගීමේ තවත් ශක්තිමත් පියවරක් සනිටුහන් කරනවා" යැයි ඊජිප්තුවේ චීන තානාපති ලියාඕ ලිකියැං සඳහන් කර තිබේ.

"අන්තර්ජාතික තත්ත්වය වෙනස් වුවද, චීනය සහ අරාබි රටවල් සැමවිටම එකට එකතු වී දුෂ්කරතා මඟහරවා ගැනීමට සහයෝගයෙන් කටයුතු කරන සැබෑ මිතුරන් වනු ඇති බව විශ්වාසයි" යනුවෙන් ලියාඕ තවදුරටත් කියා සිටියේ සහයෝගීතාවයේ ජීව ගුණය දිගටම පවත්වා ගැනීම සඳහා අරාබි රටවල් සමග කටයුතු කිරීමට චීනය කැමැත්තෙන් සිටින බවත් ඒකාබද්ධව සාමය වෙනුවෙන් පෙනී සිටින බවත්ය.

එන්නත් පිළිගැනීමේ උත්සවයේදී අරාබි ලීගයේ සහකාර මහලේකම් හොසම් සාකි, පෑන්-අරාබි සංවිධානය චීනයේ වෛද්‍ය ආධාර ලබාදීම පිළිබඳව සිය ස්තූතිය ප්‍රකාශ කළේය.

"චීනය සමඟ දිගුකාලීන මිත්‍රශීලී සහයෝගීතා සබඳතා පවත්වා ගැනීමටත්, අරාබි-චීන උපායමාර්ගික හවුල්කාරිත්වය ඉහළ තලයකට තල්ලු කිරීමටත් අරාබි රටවල් කැමැත්තෙන් සිටිනවා" යැයි අරාබි ලීගය කියා සිටියේය.

චීනය මීට පෙර වෛද්‍ය සැපයුම් කණ්ඩායම් දෙකක් පෑන්-අරාබි සංවිධානයට යවා තිබේ. මේ අතර, චීනය සහ එක්සත් අරාබි එමීර් රාජ්‍යය, ඊජිප්තුව සහ මොරොක්කෝව ඇතුළු අරාබි රටවල් ගණනාවක් අතර එන්නත ආශ්‍රිත සහයෝගීතාව සුමටව සිදුවෙමින් පවතී.