චීනයෙන් ඇෆ්ගනිස්ථානයට මිලියන ගණනක සැපයුම්

බීජිං, සැප්තැම්බර් 8 (ෂින්හුවා) - තලේබාන් සංවිධානය යටතේ පිහිටවූ අන්තර්වාර රජය හරහා ඇෆ්ගනිස්තාන ජනතාවට මිලියන ගණනාවක් වටිනා සැපයුම් ලබාදීමට චීනය සූදානම් වෙයි. ඇෆ්ගනිස්ථානයේ අසල්වැසි රටවල විදේශ ඇමතිවරුන්ගේ පළමු රැස්වීමට බදාදා දිනයේදී බීජිංහිදී එක්වෙමින් චීන රාජ්‍ය මන්ත්‍රී සහ විදේශ ඇමති වැන්ග් යී මේ බව පැවැසීය.

 ඇෆ්ගනිස්ථානය දැන් ඉතිහාසයේ සන්ධිස්ථානයක සිටින බව සඳහන් කළ වැන්ග් කියා සිටියේ මානුෂීය ගැටලු, මිනිසුන්ගේ ජීවනෝපායන් සහ COVID-19 වසංගතය වැනි දැඩි අභියෝගයන්ට ඇෆ්ගනිස්ථානය තවමන් මුහුණ දී සිටින බවයි.

අසල්වැසි රටවල් අන් සියලු දෙනාටම වඩා, ඇෆ්ගනිස්ථානයේ අවුලෙන් මිදීමට උදව් කිරීම අත්‍යාවශ්‍ය බව ඔහු පැවසීය. ඇෆ්ගනිස්ථාන ගැටලුව සම්බන්ධයෙන් එක්සත් ජනපදය සහ එහි මිත්‍ර පාක්ෂිකයින් ගැඹුරු පාඩම් ඉගෙන ගත යුතු බවත් තම වගකීම් භාරගත යුතු බවත් වැන්ග් අවධාරණය කළේය.

සියළුම ජනවාර්ගික කණ්ඩායම් සමඟ එකතු වී, පුළුල් හා ඇතුළත් දේශපාලන ව්යුහයක් ගොඩනඟා ගැනීම, මධ්යස්ථ හා විචක්ෂණශීලී දේශීය හා විදේශ ප්රතිපත්ති අනුගමනය කිරීම, ත්රස්තවාදී බලවේග සමඟ පැහැදිලි රේඛාවක් ඇති කර ගැනීම සහ මිත්රශීලී සබඳතා ඇති කර ගැනීම සඳහා අසල්වාසීන් ඇෆ්ගන් තලේබාන් සංවිධානයට මඟ පෙන්විය යුතු බවත් විදේශ අමාත්‍යවරයා පැවැසීය.

තලේබාන් සංවිධානය මෑතකදී රජයක් පිහිටුවීම, ත්‍රස්තවාදයට එරෙහිව සටන් කිරීම සහ තම අසල්වැසියන් සමඟ මිත්‍රකම් ඇති කර ගැනීම වැනි කාරණා සම්බන්ධයෙන් සාධනීය ප්‍රකාශ කර තිබේ. " එම ප්‍රකාශ සාදරයෙන් පිළිගන්නා අතර ප්‍රධාන දෙය නම් ඒවා ක්‍රියාවන් බවට පරිවර්තනය කිරීමයි" යනුවෙන් ඔහු පැවසීය.

ඇෆ්ගනිස්ථාන ජනතාවගේ අවශ්‍යතා පරිදි යුවාන් මිලියන 200 ක් (ඇමරිකානු ඩොලර් මිලියන 30.96) වටිනා ධාන්‍ය, ශීත සෘතු සැපයුම්, එන්නත් සහ ඖෂධ ඇෆ්ගනිස්ථානයට ලබා දීමට චීනය තීරණය කර ඇති බව වැන්ග් නිවේදනය කළේය.

ඔහු පැවසුවේ පළමු කාණ්ඩයේම ඇෆ්ගනිස්ථාන ජනතාවට එන්නත් මාත්‍රාවන් මිලියන 3 ක් පරිත්‍යාග කිරීමට චීනය තීරණය කර ඇති බවයි. චීන-දකුණු ආසියානු රටවල හදිසි සැපයුම් සංචිතය යටතේ ඇෆ්ගනිස්ථානයට වසංගත විරෝධී සහ හදිසි අවස්ථා වැඩි වශයෙන් ලබා දීමට ද චීනය සූදානම් ය.

මෙම රැස්වීමේදී එකඟ වූ එකඟතා මාලාවක් සහභාගිවන්නන් ධනාත්මකව ඇගයූ අතර ඇෆ්ගනිස්ථානයේ අසල්වැසි රටවල විදේශ ඇමතිවරුන්ගේ හමුව ආයතනිකකරණය කිරීමට එකඟ වූහ.

මෙම හමුවට පකිස්ථාන, ඉරාන, ටජිකිස්තාන, උස්බෙකිස්තාන, ටර්කිමේනිස්තානය යන රටවන විදේශ අමාත්‍යවරුන් එක්වූහ.