ගුවන් තොටුපොළ පිරිසිදු කිරීමේ සේවිකාවකට කොවිඩ්

කටුනායක ගුවන් තොටුපළ පිරිසිදු කිරීමේ කටයුතු වල නියැලී සිටි පෞද්ගලික ආයතනයක සේවිකාවකට කොරෝනා වෛරසය ආසාදනය වී ඇති බව තහවුරු වීමෙන් පසුව ඇය ප්‍රතිකාර සදහා වතුපිටිවල රෝහලට යොමු කර තිබේ.

හලාවත, ආරච්චිකට්ටුව ප්‍රදේශයේ පදිංචි 47 හැවිරිදි කාන්තාවක් වන මෙම ආසාදිතයා සිය නිවසේ සිට දිනපතා ගුවන් තොටුපළ රාජකාරියට පැමිණ තිබේ.

ඇය සමග සේවය කළ තවත් 10 දෙනෙකු ද අද දිනයේදී පී.සී.ආර්. පරීක්ෂණ කිරීමෙන් අනතුරුව සිය නිවෙස්වල නිරෝධායනයට යොමුකර තිබේ.