ගම්මන්පිලට යෝජනා පෙට්ටි ගණන් ලැබෙයි

බලශක්ති අමාත්‍ය නීතිඥ උදය ගම්මන්පිල මහතා සිය ධුරයේ වැඩ භාර ගැනීමෙන් පසුව සිය අමාත්‍යාංශය හා ඒ යටතේ පවත්නා ආයතන වල සේවක සේවිකාවන් හමුවීමෙන් අනතුරුව ඔවුන්ගෙන් ඉල්ලා සිටියේ  එම ආයතන වල ඔවුන් දකින අඩුපාඩු සහ ආයතනය දියුණු කිරීම සදහා ඔවුන්ගේ යෝජනා තමන් වෙත ලැබීමට සලස්වන ලෙසයි.

එම ලිපි සියල්ලම පුද්ගලිකවම පරීක්ෂාකර බලා ඒ සම්බන්ධයෙන් කටයුතු කරණ බවත් සියලු තොරතුරු රහසිගතව තබා ගන්නා බවත් බලශක්ති අමාත්‍යවරයා වැඩිදුරටත් ප්‍රකාශ කර සිටියේය.

බලශක්තිය අමාත්‍යාංශයට අයත් ආයතන විසින් සිය සේවක සේවිකාවන්ට සිය යෝජනා සහිත ලිපි තැන්පත් කිරීම සඳහා එම ආයතන තුළම විශේෂ ලියුම් පෙට්ටි සකසා තිබුණි.

ඒ අනුව සේවක සේවිකාවන් විශාල ප්‍රමාණයක් සිය  යෝජනා ඉදිරිපත් කර තිබූ අතර ඒවා බහාලන ලද පෙට්ටි අමාත්‍යතුමන් වෙත  භාරදීම ඊයේ දින (2020.09.07) බලශක්ති අමාත්‍යාංශයේදී සිදු කෙරිණි.

බලශක්ති අමාත්‍යංශයේ සේවක සේවිකාවන් විසින් ඉදිරිපත් කරන ලද ලිපි අමාත්‍යාංශ ලේකම් කේ ඩී ආර් ඔල්ගා මහත්මිය විසින්  අමාත්‍යතුමන්වෙත‍ෙබාරදුන්  අතර, ලංකා ඛනිජ තෙල් නීතිගත සංස්ථාව වෙනුවෙන් එහි සභාපති සුමිත්  විජේසිංහ, ලංකා ඛනිජතෙල් තොග ගබඩා පර්යන්ත සමාගම වෙනුවෙන් එහි සභාපති මොහොමඩ් උවයිස්,  ඛණිජ තෙල් සම්පත් සංවර්ධණ ලේකම් කාර්යාලය වෙනුවෙන් අතිරේක ලේකම් චාමින්ද හෙට්ටිආරච්චි යන මහත්වරුන් විසින්  සිය සේවක සේවිකාවන්ගේ යෝජනා අමාත්‍යවරයා වෙත බාරදෙන ලදී.