ගිනිඅවි සමඟ අපරාධකරුවකු අත්අඩංගුවට

මිනීමැරුම් ඇතුළු අපරාධ රැසකට සම්බන්ධ බව කියන අයකු බෝර 12 පතුරොම් යොදන ගිනිඅවියක්, බෝර 12 වර්ගයේ ජීව පතුරොම් 4ක්, මිලිමීටර 3.8 වර්ගයේ රිවොල්වරයක් සහ වායු රයිෆලයක් සමඟ වලස්ගල දෙමටපිටිය ප්‍රදේශයේදී අත්අඩංගුවට ගත් බව පොලිස් විශේෂ කාර්යය බළකායේ තංගල්ල කඳවුරේ නිලධාරිහු කියති.

සැකකරු ඔහුගේ නිවසේ සිටියදී අත්අඩංගුවට පත්ව තිබූ අතර ඔහු මිනීමැරුම් සහ මංකොල්ලකෑම් ගණනාවක් සම්බන්ධයෙන් සැකකරුවකු වන අතර “සුදාමහත්තයා” නම් අන්වර්ථ නාමයකින් ප්‍රසිද්ධ අයකු බවද නිලධාරිහු කියති.