කිළිනොච්චියේ යුද හමුදාවෙන් නිදහස් කල ඉඩම් සාමාන්‍ය වැසියන්ට දෙයි

ජනාධිපතිතුමාගේ උතුරු පළාත් සංවර්ධන වැඩසටහන යටතේ  කිළිනොච්චිය දිස්ත්‍රීක්කයේ කරච්චි සහ කණ්ඩාවලෛ ප්‍රාදේශීය ලේකම් කොට්ඨාස වල ආරක්ෂක හමුදාව විසින් නිදහස් කරනු ලැබූ ඉඩම් මහජනතාව වෙතට භාර කිරීමේ වැඩසටහන උතුරු පළාත් ආණ්ඩුකාරවර ආචාර්ය සුරේන් රාඝවන් මහතාගේ ප්‍රධානත්වයෙන්  සිදු කෙරිණි.

අදාළ ඉඩම් භාර දීම කිළිනොච්චිය දිස්ත්‍රීක් ලේකම් කාර්යාලයේදී සිදු වූ අතර එහිදී පළමු ඔප්පුව උතුරු ආණ්ඩුකාරතුමන් විසින් කරච්චි ප්‍රදේශයේ පදිංචි සුප්පයියා තන්ගම්මා වෙත ලබාදෙනු ලැබිය.

මේ අනුව ආරක්ෂක හමුදාව යටතේ තිබූ අක්කර 39.95ක ඉඩම් නිදහස් කරනු ලැබූ අතර එයින් මහජනතාවට අයිති අක්කර 21.24 ක ඉඩම් ප්‍රමාණයක් සඳහා වූ ඉඩම් බලපත්‍ර  එම ඉඩම් අයිතිකරුවන් වෙතට උතුරු ආණ්ඩුකාරතුමා විසින් ලබා දෙනු ලැබිණි.