කෙසෙල්වත්තේ දිනුකගේ සමිපතමයෙකු අත්අඩංගුවට

අපරාධ කල්ලි සාමාජිකයෙකු වන කෙසෙල්වත්තේ දිනුකගේ සමීපතමයෙකු අද  අත්අඩංගුවට ගෙන තිබේ.

කොළඹ අපරාධ කොට්ඨාසය  සිදුකළ වැටලීමකදී සැකකරු අත්අඩංගුවට ගෙන ඇති බව පොලීසිය සඳහන් කරයි.

අත්අඩංගුවට ගත් සැකකරු විසින් පසුගිය පෙබරවාරි 17 වන දින කෙසෙල්වත්ත ප්‍රදේශයේ දී පුද්ගලයෙකු වෙඩි තබා ඝාතනය කිරීමට ද උත්සාහ කර ඇති බව සඳහන් වේ. 

අත්අඩංගුවට ගන්නා අවස්ථාවේ දී ඔහු සතුව තිබී හෙරොයින් ග්‍රෑම් 2යි මිලිග්‍රෑම් 200ක ප්‍රමාණයක් ද සොයාගෙන තිබේ.

සැකකරු අද  (26) දින මාලිගාකන්ද මහේස්ත්‍රාත් අධිකරණය වෙත ඉදිරිපත් කිරීමට නියමිතයි.