කැස්බෑව අධිකරණය තාවකාලිකව වසා දමයි

කැස්බෑව අධිකරණයේ සේවයේ නියුතු නීතීඥ අඹුසැමි යුවළකට කොරෝනා වෛරසය වෛරසය ආසාදනය වීමේ හේතුවෙන් එම අධිකරණයේ සාමාන්‍ය රාජකාරි කටයුතු තාවකාලිකව අත්හිටුවීමට පියවර ගත් බව කැස්බෑව සෞඛ්‍ය වෛද්‍ය නිලධාරී වෛද්‍ය සමන්තිකා විජේසුන්දර මහත්මිය  (19) දා පැවසුවාය .

එහෙත් හදිසි හා අත්‍යාවශ්‍ය සේවා කටයුතු පමණක්  සෞඛ්‍ය ආරක්ෂිත ක්‍රමවේද අනුගමනය කරමින් පවත්වාගෙන යාමට උපදෙස් දී ඇති අතර සාමාන්‍ය සේවා කටයුතු මෙසේ  තාවකාලිකව අත්හිටුවීමට පියවර ගත් බව පැවසේ .

ආසාදිත නීතිඥ අඹුසැමි යුවළට වෛරසය ආසාදනය වී ඇති බවට වාර්තාවීමත් සමඟ මෙම පියවර ගත් බවත් ආසාදිතයින් අවසන් වරට අධිකරණයට පැමිණ ඇත්තේ ඉකුත් 11 දා බවත් සෞඛ්‍ය වෛද්‍ය නිලධාරීතුමිය පැවසුවාය .

ඒ අනුව අධිකරණයේ සේවයේ නියුතු නීතිඥ මණ්ඩලය ඇතුළු කාර්යමණ්ඩලයේ විසිදෙනකු 20 දා පී.සී.ආර් පරීක්ෂණයට ලක් කිරිමට නියමිත අතර අධිකරණ භූමිය මේ වන විට සම්පූර්ණ විසබීජ හරණයට ලක් කර ඇති බව ද  වෛද්‍ය සමන්තිකා විජේසුන්දර මහත්මිය කීවාය .

මත්තෙගොඩ ශාන්ත ප්‍රදීප් කුමාර කුලරත්න