කොවිඩ් රෝගීන්ට ජපානයේ ස්වයං ආරක්ෂක බලකායක්

බරපතල ලෙස රෝගාතුර වූ කොවිඩ්-19 රෝගීන්ගේ වැඩිවීම සම්බන්ධයෙන් කටයුතු කිරීම සඳහා වෛද්‍ය කාර්ය මණ්ඩල විසින් කරනලද ඉල්ලීමකට ප්‍රතිචාර දැක්වීම සඳහා ජපානයේ රජය එරට ස්වයං ආරක්ෂක බලකායේ හෙදියන් පිටත් කර යැවීමට සූදානම් බව ප්‍රධාන කැබිනට් ලේකම් කට්සුනොබු කැටෝ පවසයි.

ඔසාකා සහ හොක්කයිඩෝ ප්‍රාන්තවලට අතිරේක වෛද්‍ය කාර්ය මණ්ඩලය අවශ්‍ය බව මෙසේ දන්වා ඇත.

ඔසාකා හි ඉරිදා දිනයේ ධනාත්මක ආසාදිතයන් 310ක් වාර්තා කර ඇති අතර, එය 6 වැනි දිනට නව දෛනික ආසාදිතයන් 300කට වඩා වාර්තා වීමකි. දරුණු කොවිඩ්-19 රෝග ලක්ෂණ සඳහා ප්‍රතිකාර කිරීම සඳහා දැනට පවතින රෝහල් ඇඳන්වලින් 70%කට ආසන්න ප්‍රමාණයක් ඔසාකා නගරය තුළ අවසන්ව ඇති බව කියයි.

ජපානයේ සෞඛ්‍ය අමාත්‍යංශය විසින් ඉරිදා නව කොරෝනා වෛරස ආසාදන 2,016ක් සහ මරණ 20ක් ප්‍රකාශයට පත්කරන ලදී. සමස්තයක් ලෙස ගත්විට, ජපානයේ ආසාදිතයන් 162,000කට වැඩි සංඛ්‍යාවක් වාර්තා වී ඇති අතර, මරණ 2,200කට වඩා තිබේ.