කොවිඩ් නිසා ලංකාවේ දරු උපත්වල සීඝ්‍ර අඩුවීමක්

COVID වසංගතය හේතුවෙන් රටේ දරු උපත් සංඛ්‍යාව සීඝ්‍රයෙන් අඩුවෙමින් පවතින බව දේශීය වෛද්‍ය ප්‍රවර්ධන රාජ්‍ය අමාත්‍ය සිස ජයකොඩි මහතා පැවසීය.

COVID වසංගතය, ගර්භනී කාන්තාවන් තුළ කොවිඩ් ආසාදන සහ ඔවුන්ගේ මරණ සලකා බැලීමෙන් දරු උපත් අඩුවීමට හේතු වූ බව අමාත්‍යවරයා ‘ඩේලි මිරර්’ වෙත පවසා තිබේ.

COVID-19 වෛරසය පැතිරීම පාලනය කිරීම සඳහා පනවා ඇති සංචාරක සීමාවන් අනුගමනය කරමින් විවාහ උත්සව පැවැත්වීමට අවස්ථාව නොදීමද මෙම ගැටලුවට ප්‍රධාන හේතුවක් වී ඇති බව අමාත්‍යවරයා පෙන්වා දුන්නේය.

"COVID-19 වසංගතය සහ රජය විසින් පනවා ඇති සීමාවන් හේතුවෙන් පසුගිය දෙවසර තුළ විවාහ උත්සව 750,000 ක් පැවැත්වීමට හැකිවෙලා නෑ. රටේ ජනගහන වර්ධනය සලකා බැලීමේදී මෙය අනාගතයට ප්‍රශ්නයක්" යැයි රාජ්‍ය අමාත්‍යවරයා පවසා තිබේ.

ශ්‍රී ලංකාවේ වසරකට දරු උපත් 350,000 ක් පමණ සිදුවුවත් පසුගිය වසර දෙක තුළ කිසිදු විවාහයක් සිදු නොවූ හෙයින්, දරු උපත් සංඛ්‍යාව ද 100,000 දක්වා විශාල ලෙස පහත බැස ඇති බව අමාත්‍යවරයා පෙන්වා දුන්නේය.