කොවිඩ් එන්නත බොහෝවිට බහු මාත්‍රාවක් වේවි - ගේට්ස්

නව කොරෝනා වෛරස එන්නත් පිළිබඳ මුල් දත්තවලින් පෙනී යන්නේ වෛරසයෙන් මිනිසුන් ආරක්ෂා කිරීම සඳහා එක් මාත්‍රාවකට වඩා වැඩි කාලයක් ගතවනු ඇති බව යැයි මයික්‍රොසොෆ්ට් නිර්මාතෘ බිල් ගේට්ස් පවසයි.

ලොව පුරා නව කොරෝනා වෛරසය පැතිරීම පාලනය කිරීම සඳහා පසුගිය පෙබරවාරි මාසයේදී බිල් හා මෙලින්ඩා පදනම ඇ.ඩො.මිලියන 100ක් පරිත්‍යාග කරන බව නිවේදනය කළේය. වෛරසය සඳහා එන්නතක් සොයා ගැනීමට, එහි පැතිරීම සීමා කිරීමට සහ රෝගීන් හඳුනා ගැනීම සහ ප්‍රතිකාර වැඩි දියුණු කිරීමට මෙම අරමුදල් භාවිත කරන බව කියැවෙයි.

"අප සතුව බොහෝ දත්ත පවතින, කොරෝනා එන්නත් සම්බන්ධයෙන් කටයුතු කරන කිසිම අයෙකු එකම මාත්‍රාවක් සමග වැඩ කරන බවක් පෙනෙන්නට නැහැ. එබැවින් මේ සියල්ලම බහු මාත්‍රා එන්නත් වේවි. අපි වැඩිහිටියන් දෙස බැලුවහොත්, අපට අවශ්‍ය ආරක්ෂාව ලබාගැනීමට ඇතැම් අයට මාත්‍රා දෙකකට වඩා අවශ්‍ය විය හැකියි. කෙසේ වෙතත් මේ එන්නත ආරක්ෂිත විය යුතුයි. එය සම්ප්‍රේෂණය අඩු කළ යුතුයි. පසුව එය පුද්ගලයාගේ සෞඛ්‍යයද ආරක්ෂා කළ යුතුයි." ගේට්ස් සඳහන් කළේය.

බිල් හා මෙලින්ඩා ගේට්ස් පදනම පළමු වැනි පරම්පරාවේ එන්නත් සහ ඒවාට ඇති ධාරිතාව සඳහා පමණක් අරමුදල් සපයන බවද ඔහු කියා සිටියේය.

"එන්නත් ව්‍යාපාරයේද බොහෝ අවිනිශ්චිතතාවන් පවතිනවා. එය ඔබට පැහැදිලි කිරීමට අපහසුයි. කෙසේ හෝ මෙය ඔබට සාරාංශ කරමින් කිව්වොත්, එන්නත ප්‍රාතිහාර්යක් සිදුවෙමින් පවතිනවා, එපමණයි." ගේට්ස් වැඩිදුරටත් සඳහන් කළේ ඵලදායී හා කාර්යක්ෂම එන්නතක් සොයාගැනීමේ දුෂ්කරතාවද ඉස්මතු කරමිනි.