කොවිඩ් ආසාදිත බන්ධනාගාර රැඳවියන් ගණන ඉහළට

කොවිඩ් -19 ආසාදිත බන්ධනාගාර රැඳවියන් සංඛ්‍යාව 270 ඉක්මවා ගොස් ඇති බව බන්ධනාගාර දෙපාර්තමේන්තුව පවසයි.

බන්ධනාගාර කොමසාරිස් ජනරාල් තුෂාර උපුල්දෙණිය මහතා පැවසුවේ රැඳවියන් 278 දෙනෙකුට මේ වනවිට වෛරසය ආසාදනය වී ඇති බවය.

ඒ අතරින් 107 දෙනෙකු කාන්තා රැඳවියන් බව ද ඔහු සඳහන් කළේය.

ඊයේ දිනයේ පැරණි බෝගම්බර බන්ධනාගාරයේ රැඳවියන් 68 දෙනෙකු, කුරුවිට බන්ධනාගාරයේ රැඳවියන් 13 දෙනෙකු සහ මහර බන්ධනාගාරයේ රැඳවියන් තිදෙනෙකු නව ආසාදිතයින් ලෙස හඳුනාගෙන තිබුණි.