කොවිඩ් ආසාදිත ගැබිනි මව්වරුන් 200ක්
කොවිඩ් වැළැදුණු ගැබිනි මවුවරුන් සදහා මහා රෝහල්, ශික්ෂණ රෝහල් සහ මුලික රෝහල් වල වෙන වෙනම වාට්ටු ස්ථාපිත කිරීමට සෞඛ්‍ය අමාත්‍යාංශය හා ප්‍රසව හා නාරිවේද විශේෂඥ වෛද්‍යවරුන්ගේ විද්‍යායතනය අතර අද (10) පැවැති සාකච්ඡාවකදී තීරණය විය.
සෞඛ්‍ය සේවා අධ්‍යක්ෂ ජනරාල් වෛද්‍ය අසේල බණ්ඩාර මහතාගේ ප්‍රධානත්වයෙන් සෞඛ්‍ය අමාත්‍යාංශයෙදී මෙම රැස්වීම පැවැත්විණ. කොවිඩ් වැළැදුණු ගැබිනි මව්වරුන් සඳහා වෙනම වාට්ටු ස්ථාපිත කරන ලෙස රෝහල් අධ්‍යක්ෂවරුන් දැනුවත් කරමින් සෞඛ්‍ය සේවා අධ්‍යක්ෂ ජනරාල්වරයා විශේෂ චක්‍රලේඛයක් නිකුත් කිරීමට ද නියමිතය.
ගැබිනි කාන්තාවන් සඳහා කොවිඩ් එන්නත් ලබාදීමට ද මෙහිදී සාකච්ඡා කරන ලද අතර එහිදී ඔවුන්ට එන්නත් ලබාදීම සුදුසු බව ප්‍රසව හා නාරිවේද විශේෂඥ වෛද්‍යවරුන්ගේ විද්‍යායතනයේ නියෝජිතයන් එහිදී පෙන්වා දී තිබේ.
එන්නත් ලබාදීම සම්බන්ධයෙන් සෞඛ්‍ය අමාත්‍යාංශ තීරණය අද (11) දැනුම්දීමට නියමිතය කොවිඩ් වැළැදුණු ගැබිනි මව්වරුන් 200 ක් පමණ රෝහල් වල ප්‍රතිකාර ලබන බව ද මෙම සාකච්ඡාවේදී අනාවරණය විය .
මෙම සාකච්ඡාවට සෞඛ්‍ය කාර්යාංශයේ අධ්‍යක්ෂ වෛද්‍ය චිත්‍රාමාලි ද සිල්වා සහ ප්‍රසව හා නාරිවේද විශේෂඥ වෛද්‍යවරුන්ගේ විද්‍යායතනයේ සභාපති විශේෂඥ වෛද්‍ය ප්‍රදීප් ද සිල්වා ඇතුලු නියෝජිතයෝ සහභාගී වුහ.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
