කිලිනොච්චියේ වැව් බැම්මක මළ සිරුරක්

කිලිනොච්චිය ධර්මපුරම්හි පිහිටි වැව් බැම්මක තිබී තියුණු ආයුධ වලින් පහර දී තිබූ මළ සිරුරක් හමු වූ බවට ධර්මපුරම් හා කිලිනොච්චිය පොලීසිය පැවසීය.

මියගිය පුද්ගලයා ධර්මපුරම් යුනිට් 6 ප්‍රදේශයේ පදිංචි කරුවෙකු වන අතර 28 හැවිරිදි කේ.අරසසිංහම් නැමත්තෙකු බවට පොලීසිය විසින් හඳුනාගෙන ඇත.

මියගිය පුද්ගලයාගේ සිරුරෙ කැපුම් පහරවල් කිහිපයක්ම තිබි ඇත. පසුගිය 22 වනදා මෙම පුද්ගලයා යතුරුපැදියකින් ගමන් කරමින් සිටියදී කිසියම් පිරිසක් විසින් තියුණු ආයුධ වලින් සිදු කරන ලද පහරදීමකදී මෙසේ ඝාතනය වී ඇති බවට පරික්ෂණ සිදු කරන කිලිනොච්චිය පොලීසිය සැක පළ කොට සිටියේය.

අදාළ මරණය සම්බන්ධයෙන් මෙතෙක් හෝඩුවාවක් නොලැබී ඇති අතර කිලිනොච්චිය හා ධර්මපුරම් පොලීසිය විසින් වැඩිදුර පරීක්ෂණ අරඹා ඇත.