කොරෝනා අවදානම ඉහළට පේරු ඔක්සිජන් ඉල්ලා යදිති

පේරු රාජ්‍යයෙහි නව කොරෝනා වෛරසය පැතිරීම පාලනයෙන් තොර වන අතර, එය නරක අතට හැරෙනු ඇතැයි විශේෂඥයෝ බිය පළ කරති.

ඒ අනුව වෛරසයට එරෙහි වැදගත් අවියක් වන ඔක්සිජන් ටැංකි හිඟයක් පවතින අතර, එය පේරු හි ඇති අවුල් සහගත තත්ත්වය සංකේතවත් කරන තවත් අවස්ථාවකි.

මිනිසුන් ආසාදිතව පාරේ ඇද වැටෙන අතර, තවත් සමහරු දැඩි ලෙස රෝගාතුර වූ ඥාතීන් රෝහල්වලට ඇතුළත් නොකරති. කලකිරුණු දරුවන් තම දෙමාපියන් මිය යාමට හැරියේ මන්දැයි විමසති.

එසේම වසංගතය හමුවේ මංමුලා සහගත පුරවැසියන් වේගයෙන් වර්ධනය වන කළු කඩවල ගොදුරක් බවට පත්ව ඇති අතර, සමාජ මාධ්‍යවල සහ ඊ-වාණිජ්‍යය වෙබ් අඩවි වල අධික මිල ගණන් යටතේ ඔක්සිජන් ටැංකි විකිණේ.

ජෝන්ස් හොප්කින්ස් විශ්වවිද්‍යාලයට අනුව අද (7දා) අලුයම වනවිට පේරු රාජ්‍යයේ සමස්ත කොවිඩ්-19 ආසාදිතයන් 191,758ක් වාර්තා වූ අතර, එරටින් වාර්තා වන මරණ සංඛ්‍යාව 5,301කි.