කඩමයන්කුලම්හිදී හෙරොයින් කිලෝ 4 ක් සමග හත් දෙනෙක් අත් අඩංගුවට

රුපියල් කෝටි හතරකට ආසන්න හොරෝයින් කිලෝ හතරකට වැඩි ප්‍රමාණයක් පුත්තලම කඩමයාකුලම් ප්‍රදේශයෙදී අද (9දා) උදෑසන පුත්තලම මත්ද්‍රව්‍ය නාශක කාර්යාංශය විසින් සැකකරුවන් හත් දෙනෙකු සමග අත් අඩංගුවට ගත් බව පුත්තලම පොලිසිය කියයි.

මෙසේ අත් අඩංගුවට ගෙන ඇත්තේ කඩමයන්කුලම් ප්‍රදේශයේ නුර් පල්ලිය ආසන්නයේ ප්‍රධාන පෙලේ මත් ද්‍රව්‍ය ජාවාරම් කරුවකුගේ නිවසක සගවා තිබු රැපියල් ලක්ෂ 400 කට ආසන්න හෙරෝයින් කිලෝ 4 යි ග්‍රෑම් 368 ක ප්‍රමාඛයක් බව කියයි.

අදාල මත් ද්‍රව්‍ය තොගය ජාවාරම්කරුගේ නිවසේ කබඩයක් තුළ සගවා තිබියදි අත් අඩංගුවට ගෙන තිබුණි.

පුත්තලම පොලිස් විශේෂ කාර්යාංශයේ තොරතුරකට අදාළ මත් ද්‍රව්‍ය තොගය අත් අඩංගුවට ගෙන තිබු බව කියයි.

අත් අඩංගුවට ගත් මත් ද්‍රව්‍ය තොගය හා සැකකරුවන් පුත්තලම මුලස්ථාන පොලිසියට භාර දීමට කටයුතු කරමින් තිබුණි.