කෝටියක මත්කුඩු සමග කාන්තාවන් දෙදෙනෙකු අත්අඩංගුවට

මට්ටක්කුලිය සහ ග්‍රෑන්ඩ්පාස්  ප්‍රදේශ වල සිදුකළ වැටලීම් දෙකක දී  රුපියල් කෝටියකට අධික වටිනා හොරයින් මත්කුඩු සහ මුදල්    සමග කාන්තාවන් දෙදෙනෙකු කොළඹ උතුර අපරාධ කොට්ඨාස විමර්ශන ඒකකය  මගින් අත්අඩංගුවට ගෙන ඇතැයි පොලිස් මාධ්‍ය ප්‍රකාශක ජේෂ්ඨ නියෝජ්‍ය පොලිස්පති අජිත් රෝහණ මහතා පැවසීය

එම සැකකාරියන් දෙදෙනා සමඟ  මත්කුඩු කිලෝ එකයි ග්‍රෑම් 35 ක් හා මුදලින් රුපියල් දෙලක්ෂ අනු එක්දහස් දෙසීයක්  පොලිස් භාරයට ගෙන ඇත

මට්ටක්කුලිය ඩිපෝව හන්දිය ප්‍රදේශයේ දී මත්කුඩු කිලෝ එකට අධික ප්‍රමාණයක් සමග කාන්තාවක් සහ ග්‍රෑන්ඩ්පාස් වේර ගොඩැල්ල  ප්‍රදේශයේ දී හොරයින් මත්කුඩු ග්‍රෑම් 14 ක් මුදල් අත්අඩංගුවට ගත් බව මාධ්‍ය ප්‍රකාශක වරයා කීය

අත්අඩංගුවට ගත් සැකකාරියන් මෝදර සහ වෙර්ගොඩැල්ල  පදිංචි වයස අවුරුදු 25 සහ 59 අතර පසුවන්නියන් ය

සැකකාරියන් දෙදෙනා මාලිගාකන්ද අධිකරණයට ඉදිරිපත් කිරීම සඳහා මෝදර පොලිස් ස්ථානය වෙත බාර දී ඇත

කොළඹ උතුර කොට්ඨාස අපරාධ විමර්ශන අංශයේ පරීක්ෂණ පවත්වයි.

බණ්ඩාරගම බිමල් ශ්‍යාමන් ජයසිංහ