කටුනායකින් කෝචින් යෑමට සිටි ගමන අත්හිටුවයි

ඉන්දියාවේ කොචින් බලා ගමන් කිරීමට නියමිතව තිබූ ශ්‍රී ලංකන් ගුවන් ගමනක් අවලංගු කළ බව කටුනායක ගුවන්තොටුපොළ පවසයි.

කෝචින් ගුවන් තොටුපොළ අවට ප්‍රදේශයේ පවතින අධික වැසි සහිත ගංවතුර තත්වය නිසා අද උදෑසන 9.00 ට කොචින් බලා පිටත්ව යෑමට නියමිතව තිබූ ශ්‍රී ලන්කන් ගුවන් සේවයේ යූ.එල්.- 165 දරණ ගුවන් යානයේ ගමන් ගැනීම පස්වරු 3.00 දක්වා මුලින් කල් දැමිණ.

කෙසේ වෙතත්  එම ප්‍රදේශයේ පවතින අයහපත් කාළගුණික තත්ත්වය තවදුරටත් පැවැතීම නිසා මෙම ගුවන් ගමන් වාරය අවලංගු කර තිබේ.

ටී.කේ.ජී. කපිල