‘ඒම් ටී’ නිව් ඩයමන්ඩ්’ නෞකාව ගැන ඉදිරි කටයුතු සාකච්ජා කෙරෙයි

ශ්‍රී ලංකාවට ආසන්න මුහුදේදී ගිනි ගැනීමට ලක්වූ ‘ඒම් ටී. නිව් ඩයමන්ඩ්’ නෞකාවෙන් සිදුවු තෙල් කාන්දුව හේතූවෙන් සමුද්‍රිය පරිසරයට සිදුවු විනාශය සම්බන්ධ වාර්තාව කඩිනමින් ලබාදෙන ලෙස නීතීපතිවරයා සමුද්‍රිය පරිසර අධිකාරියට හා ඔවුන් සමඟ සමීපව කටයුතු කරන විශේඥයින්ට (21) දැනුම් දුන්නේය.

සමුදීය පරිසර ආරක්‍ෂණ අධිකාරියේ සභාපති නීතීඥ දර්ශණී ලහඳපුර සමඟ සමුදීය පරිසර විශේඥයින් පිරිසක් නීතීපතිවරයා හමුවු අවස්ථාවේදී නීතීපතිවරයා ඔවුන්ට එලෙස උපදෙස් දුන් බව නීතීපතිවරයාගේ සම්බන්ධීකරණ නිලධාරීනී නිශාරා ජයරත්න පැවසුවාය.

බොර තෙල් ප්‍රවාහනය කරමින් සිටියදී ගිනි ගැනීමට ලක්වූ ‘‘ඒම් ටී’ නිව් ඩයමන්ඩ්’ නෞකාවෙන් තෙල් කාන්දුවක් සිදුවී ඇති බව වාර්තා වන අතර ඒ  හේතූවෙන් සමුද්‍රිය පරිසරයට සිදුවු විනාශය සම්බන්ධ වාර්තාවක් ලබාදෙන ලෙස නීතීපතිවරයා මීපා ආයතනයට මීට පෙර අවස්ථාවකදී දැනුම් දී තිබිණි.

ඒ අතර මෙම තත්වය පිළිබඳ විමර්ශනය කරන සමුදීය පරිසර ආරක්‍ෂණ අධිකාරියේ සභාපතිවරිය හා ඒ සඳහා මීපා ආයතනය සමඟ සමීපව කටයුතු කරන විශේඥයින් පිරිසක් නීතීපතිවරයා හමුවු අතර ඔවුන් සමඟ පැවැති සාකච්ඡාවකදී අදාළ නෞකාවෙන් සිදුවු තෙල් කාන්දුව හේතූවෙන් සමුද්‍රිය පරිසරයට සිදුවු විනාශය සම්බන්ධ වාර්තාව කඩිනමින් ලබාදෙන ලෙස නීතීපතිවරයා ඔවුන්ට උපදෙස් ලබාදී ඇත.

මනෝප්‍රිය ගුණසේකර