එජාප අපේක්ෂකයා මේ සතිය අවසානයට පෙර

එක්සත් ජාතික පක්ෂයේ ජනාධිපතිධූර අපෙක්ෂකයා මේ සතිය අවසන් වීමට පෙර නම් කර ගැනීමට හැකියාව ලැබෙනු  ඇතැයි එක්සත් ජාතික පෙරමුණු මන්ත්‍රි නලීන් බණ්ඩාර ජයමහ මහතා පාර්ලිමේන්තුවේදී අද (18දා) පැවසීය.

එක්සත් ජාතික පක්ෂයේ සියලු දෙනා එම අපේක්ෂකයාගේ ජයග්‍රහණය වෙනුවෙන් කැපවීමට සූදානම් බවද මන්ත්‍රිවරයා සඳහන් කළේය.

රැස්වීම් කිහිපයක් රටේ විවිධ ස්ථානවල පවත්වා ජනතාවගේ රැල්ල තිබෙන්නේ කොතනදැයි  පෙන්වීමට හැකිවූ බවත්,ඒ අනුව දුප්පත්කම නැතිකළ නායකයෙකු රටේ ජනාධිපතිවරයා ලෙස මේ වසර අවසානයේදී  පත්වනු ඇති බවත් හෙතෙම ප්‍රකාශ කළේය.