එක්දිනකට විදුලි බල්බ 2ක් නිවා විදුලිය ඉතිරි කර දෙන්න - රවී
විදුලි බලාගාර ආශ්‍රිත ජලාශයන්ගේ ජල මට්ටම දිනෙන් දිනෙම අඩු වේගෙන යනවා. ඒ නිසා අපි තාපබලාගාර යොදා ගනිමින් තමයි කටයුතු කරන්නේ. ඒ නිසා අරපරිස්සමෙන් විදුලිය පාවිච්චි කරන්න කියලා මම අපේ ලක්ෂ 65 ක් පමණ වූ විදුලි පාරිභෝගිකයන්ගෙන් ඉල්ලා සිටිනවා යැයි විදුලිබල, බලශක්ති සහ ව්‍යාපාර සංවර්ධන අමාත්‍ය රවී කරුණානායක මහතා ජනතාවගෙන් ඉල්ලා සිටියි.
පවතින වියලි කාලගුණික තත්ත්වය හමුවේ විදුලිබල ක්ෂේත්‍රය මුහුණපා ඇති ගැටලු පිළිබඳව මාධ්‍ය දැනුවත් කරමින් අමාත්‍යවරයා මෙම ඉල්ලීම කරන ලදී.
එහිදි වැඩිදුරටත් අදහස් දැක්වු අමාත්‍යවරයා,
“විදුලි පාරිභෝගික ජනතාවගෙන් මා ඉල්ලා සිටින්නේ එක් දිනකට විදුලි බල්බ දෙකක් නිවා දමලා, විදුලිය ඉතිරි කරන්න කියලා. මේ තුළින් දිනකට මෙගාවොට් 100ක් පමණ ප්‍රමාණයක් ඉතිරි කරගන්න හැකියාව ලැබෙනවා. අරපරිස්සමෙන් විදුලිය පාවිච්චි කරන්න ඕන යුගයක් ඇවිත් තිබෙන්නේ.
අපි කිසිසේත්ම විදුලි කප්පාදුවකට යන්න දෙන්නේ නැහැ. ඒ වෙනුවෙන් අවශ්‍ය සහයෝගය අපට ලබාදෙන්න
වසර 10ක පමණ තිස්සේ, මේ රටේ විදුලි අවශ්‍යතාවන්ට සරිලන පරිදි විදුලි ජනන පද්ධතියක් ඉදි කරලා නැහැ. අපිට කරන්න පුළුවන් පොඩිම දේ තමයි, තමන්ගේ නිවසේ විදුලි බල්බ දෙකක් නිවා දමා විදුලිය ඉතිරි කිරීම. ඒ තුළින් ජනතාවගේ ප්‍රශ්නයත්, රටේ ප්‍රශ්නයත් විසදෙනවා" යැයි ඔහු පැවසිය.
කෂිනි හපුආරච්චි
popular news
-
appuhami Tuesday, 12 March 2019 03:25 PM
වාහන රෝද තුනක් කිරීමෙන් ටයර් ඉතිරි කල හැක , වාහන මිල ඉහල දැමීමෙන් මාර්ග වස දැමිය හැකිය වැස්සට නොතෙමි යන්න නම් කුඩ පමණක් සැහෙනවා වාහන අනවශ්‍ය වෙනවා, ජනතාව නැති කර දැමීමෙන් ජීවන වියදම සුන්ය වෙනවා කුඩු නීතිගත කිරීමෙන් කුඩු ප්‍රශ්නය නිම වෙනවා බල්බ නිවා දැමීමෙන් විදුලිය ඉතිරි වෙනවා ජලාශ පිරි යනවා මද පෙරදිග වැස්ස දකින්න නැතත් බල්බ උපරිම දැල්වෙනවා කෝට් බහුල කිරීමෙන් අපුල්ලන පිරිස වැඩිවේ මහා බැංකුව සල්ලි නිම කිරීමෙන් උද්දමනය සුන්ය වෙනවා බල්බ සියල්ල නිමා දැමුවොත් විදුලි බල මණ්ඩලය විකුණා දැමීම හෝ වසා දැමිය හැකි වෙනවා, දැනට ඇති
Reply : 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
