ඊයෙත් වැඩිම ආසාදිතයන් කොළඹින්

ඊයේ වාර්තා වූ කොවිඩ් ආසාදිතයන් 503 දෙනාගෙන් 147ක්ම කොළඹ දිස්ත්‍රික්කයෙන් වාර්තා වී ඇති බව කොවිඩ් පැතිරීම වැළැක්වීමේ ජාතික මෙහෙයුම් මධ්‍යස්ථානය පවසයි.

මෙම පුද්ගලයන් 503 දෙනාගෙන් 496ක් දේශීයව හඳුනාගත්  අය වන අතර සෙසු පුද්ගලයින් විදේශ රටවල සිට මෙරටට පැමිණි පුද්ගලයන් වෙයි.

ඊයේ හදුනාගත් ආංසාදිතයන්ගෙන් 130ක් ගම්පහින් වාර්තා වන අතර මහනුවරින් වාර්තා වන ආසාදිතයන් සංඛ්‍යාව 41කි.

මේ වන විට පෑලියගොඩ හා මිනුවන්ගොඩ පොකුරුවලට සම්බන්ධව ආසාදිතයන් 20 438ක් වාර්තා වී ඇති අතර ඉන් සුවය ලබා ඇති සංඛ්‍යාව 14152කි.

ඊයේ දිනය වන විට ශ්‍රී ලංකාවෙන් සමස්ත ආසාදිතයන් 23986ක් වාර්තා වන අතර සුවය ලබා ඇති සමස්ත සංඛ්‍යාව 17559කි.

තවත් පුද්ගලයන් 6309ක් ප්‍රතිකාර ලබමින් පසුවෙයි. ශ්‍රී ලංකාවෙන් වාර්තා වී ඇති සමස්ත කොවිඩ් මරණ සංඛ්‍යාව 118කි.