ඇමෙරිකාවේ කොවිඩ් මරණ 150,000ක් ඉක්මවා ගිහින්

ජෝන්ස් හොප්කින්ස් විශ්වවිද්‍යාලය විසින් සම්පාදනය කරන ලද නවතම දත්තවලට අනුව, ඇමෙරිකා එක්සත් ජනපදයේ නව කොරෝනා වෛරසය ආසාදිතයන් 150,000කට වැඩි පිරිසක් මියගොස් තිබේ.

ඒ අනුව අද (30දා) අලුයම වනවිට රට පුරා අවම වශයෙන් මරණ 150,447ක් සහ සමස්ත ආසාදිතයන් 4,414,834ක් වාර්තා වී තිබේ.

කොවිඩ්-19 වෛරස ආශ්‍රිතව එක්සත් ජනපදයේ ප්‍රථම මරණය පෙබරවාරි 29 වැනි දින වාර්තා විය.

ඉන් දින 54 කට පසු අපේ‍්‍රල් 23 වැනි දින රට පුරා 50,000ක් මිය ගියේය.

තව දින 34කට පසු මැයි 27 වැනි දින ඇමෙරිකාව මරණ 100,000ක් පසුකර ගියේය.

මෙසේ මරණ 150,000 සීමාව කරා ළඟා වීමට සඳහා තවත් මරණ 50,000ක් එකතු කිරීමට දින 63ක් ගතවී ඇත.