ඇමෙරිකානු ටිටෝ වොඩ්කා සැනිටයිසර් නිපදවීම අරඹයි

ඇමෙරිකා එක්සත් ජනපදයට අයත් ටිටෝස් වොඩ්කා සමාගම සිය ස්කාගාරය මේ මොහොතේ ලෝකයට වැඩියෙන්ම අවශ්‍ය වී ඇති සැනිටයිසර් නිෂ්පාදනය සඳහා යොදාගන්නා බව නිවේදනය කරයි.

"අපගේ සම්මත වොඩ්කා නිෂ්පාදනය ඔබට සැනිටයිසර් (අත් සේදුම් කාරකයක්) ලෙස භාවිත කරන්න හැකියාවක් නෑ. මේ නිසා ස්කාගාරයේ සිටින අපගේ කණ්ඩායම රජයේ මඟ පෙන්වීම් මත, පිළිපැදිය හැකි සැනිටයිසර් නිෂ්පාදනය කිරීම සඳහා සූදානම් වෙනවා" යැයි සමාගම නිවේදනයක් නිකුත් කියයි.

"අප සතුව තවමත් සියලු විස්තර නොමැති වුවත්, මේ සැනිටයිසර් නිෂ්පාදන වඩාත් අත්‍යවශ්‍යව ඇති අපගේ ප්‍රජාව වෙත නොමිලේ ලබාදීමට අප කටයුතු කරනවා."

නව කොරෝනා වෛරසය හමුවේ මේ ආකාරයෙන් තම නිෂ්පාදන ක්‍රියාවලිය සම්පූර්ණයෙන්ම උඩු යටිකරු කළ ප්‍රථම සමාගම ඔවුන් නොවෙයි.

මෙම මස මුලදී, ක්‍රිස්ටියන් ඩයර්, ගුවර්ලේන් සහ ගිවෙන්චි හි මව් සමාගම වන සුඛෝපභෝගී භාණ්ඩ සමූහ ව්‍යාපාරයක් වන LVMH පවසා සිටියේ සැනිටයිසර් නිෂ්පාදනය කර ප්‍රංශයේ සෞඛ්‍ය අංශ වෙත ඒවා නොමිලේ ලබාදීමට ඔවුන් ක්‍රියාකළ බවයි.

LVMH සමාගම වැඩිදුරටත් පවසා සිටියේ සිය සුවඳ විලවුන් හා ආලේපන වර්ග නිපදවන සියලුම නිෂ්පාදනාගාර සැනිටයිසර් නිෂ්පාදනය සඳහා යොදාගන්නා බවයි.